Бүгін Жалағаш ауданының Еңбек ауылында Ұлттық бірыңғай тестілеуде ең жоғары 140 ұпай жинаған жас түлек Альфия Бахытбергенқызы құрметке бөленді.

Дарынды жас түлекті құттықтауға аудан әкімінің орынбасары Ғани Сүлейменов, аудандық білім бөлімінің басшысы Талғат Садықов, ұстаздар қауымы, ауыл тұрғындары мен жастар қатысты.

Іс-шара барысында аудан әкімінің орынбасары Ғани Сүлейменов аудан халқының атынан жас түлекті тарихи жетістігімен құттықтап, бұл нәтиженің табандылық пен үздіксіз еңбектің, ата-ана мен ұстаздардың қажырлы қолдауының жемісі екенін атап өтті. Сондай-ақ, ол Альфияға алдағы өмір жолында биік белестерді бағындырып, таңдаған мамандығының білікті маманы атанып, ел игілігі жолында аянбай қызмет етуіне тілектестік білдірді.

Шара барысында Альфия Бахытбергенқызына аудан әкімінің Алғыс хаты табысталып, оның білім жолындағы үздік жетістігіне құрмет көрсетіп тәрбиесіне ерекше мән берген ата-анасына да аудан әкімінің және аудандық білім бөлімінің арнайы Алғыс хаттары табысталды.

Сонымен қатар, іс-шара аясында «JUZ40» оқу орталығының атынан өзі білім алған Еңбек ауылындағы №232 М.Байділдаев атындағы орта мектептің кітапхана қорына символикалық түрде 140 кітап тарту етілді.

Айта кету керек, Альфия Бахытбергенқызы болашақ мамандығы ретінде қазақ тілі мен әдебиеті пәні мұғалімін таңдаған. Талапкердің айтуынша, қазақ әдебиетіне деген ерекше қызығушылығы мен ана тіліне деген құрметі оның осы мамандықты таңдауына негіз болған.

Жалағаш аудандық қоғамдық даму бөлімі

Сообщение Ұлттық бірыңғай тестілеуде ең жоғары нәтиже көрсеткен түлекке құрмет көрсетілді появились сначала на Азаттық ньюс.

Кездесулерге аудандық соттардың төрағалары мен судьялары, сот әкімшілерінің басшылары, сондай-ақ аудандық билер кеңестерінің төрағалары мен мүшелері қатысты. Басқосу барысында сот жүйесі мен билер кеңесі арасындағы ынтымақтастықтың маңыздылығы сөз болып, тұрғындар арасындағы құқықтық мәдениетті қалыптастыру, дау-дамайларды бейбіт жолмен шешу және қоғамдағы әлеуметтік келісімді нығайту мәселелері жан-жақты талқыланды.

Жиында сөз сөйлеген Зейнулла Нұрсейітов қазіргі таңда мемлекет тарапынан азаматтық қоғамдағы дауласу деңгейін төмендетуге және бітімгершілік рәсімдерін кеңінен қолдануға ерекше көңіл бөлініп отырғанын атап өтті. Оның айтуынша, осы бағыттағы жұмыстарда билер кеңесіне үлкен жауапкершілік жүктелген. Сондықтан кеңес мүшелері халық арасында түсіндіру жұмыстарын күшейтіп, тараптарды өзара келісімге келтіруге ықпал ететін тиімді тетіктерді кеңінен қолдануы қажет.

Сондай-ақ кездесуде билер кеңесінің негізгі мақсат-міндеттері, оның қоғамдағы тұрақтылық пен қоғамдық келісімді сақтаудағы рөлі кеңінен сөз болды. Дауларды сотқа жеткізбей, өзара мәміле арқылы шешудің артықшылықтары талқыланып, билер институтының ұлттық құқықтық дәстүрлерді сақтаудағы және азаматтардың сотқа деген жүктемесін азайтудағы маңызы ерекше екені айтылды.

Жұмыс сапары барысында билер кеңесінің қызметін ұйымдастыру мәселелері де қаралды. Кеңес мүшелерінің жұмыс тиімділігін арттыру, халықпен байланысты күшейту, жергілікті деңгейде туындайтын дауларды жедел әрі әділ шешу бағытындағы алдағы жоспарлар нақтыланып, бірлескен іс-шаралар жоспары айқындалды.

Кездесу соңында қатысушылар бітімгершілік институтын дамыту, билер кеңесінің қызметін жетілдіру және сотқа дейінгі реттеу рәсімдерін кеңінен насихаттау бағытындағы жұмыстарды жүйелі түрде жалғастыру қажеттігін атап өтті. Тараптар алдағы уақытта өзара ынтымақтастықты нығайтып, қоғамдағы татулық пен тұрақтылықты қамтамасыз ету жолында бірлесіп жұмыс істеуге дайын екендіктерін жеткізді.

Сообщение Облыстық билер кеңесінің төрағасы аудандық соттарда бітімгершілік институтын дамыту мәселелерін талқылады появились сначала на Азаттық ньюс.

2026 жылдың 1–3 шілде аралығында Қызылорда қаласының аумағында өтіп жатқан «Нүктелік пысықтаулар» жедел-профилактикалық іс-шарасы аясында кәмелетке толмағандар арасындағы құқық бұзушылықтың алдын алу бағытындағы жұмыстар жүйелі түрде жүргізілуде. Соның бірі – 1 шілде күні «Ай-Керім» жазғы сауықтыру лагерінде ұйымдастырылған құқықтық түсіндіру кездесуі.

Іс-шараны Қызылорда қаласы Полиция басқармасының ювеналды полиция бөлімшесінің қызметкерлері өткізіп, лагерьде тынығып жатқан жасөспірімдермен ашық форматта пікір алмасты. Кездесудің негізгі мақсаты – жас буынның құқықтық сауаттылығын арттыру, олардың заң талаптарын құрметтеу мәдениетін қалыптастыру және құқық бұзушылықтың алдын алу.

Кездесу барысында полиция қызметкерлері жасөспірімдерге Қазақстан Республикасының заңнамасында көзделген құқықтары мен міндеттері жөнінде кеңінен түсіндіріп, қоғамдық орындардағы тәртіп қағидаларын сақтау, жол қозғалысы қауіпсіздігі, түнгі уақытта кәмелетке толмағандардың заңды өкілдерінсіз жүруіне қатысты талаптар, сондай-ақ әкімшілік және қылмыстық жауапкершілік мәселелеріне жан-жақты тоқталды.

Сонымен қатар, қазіргі қоғамдағы өзекті мәселелердің бірі саналатын интернет қауіпсіздігіне ерекше назар аударылды. Мамандар әлеуметтік желілерді қауіпсіз пайдалану, жалған ақпараттың зияны, интернет-алаяқтықтан сақтану, кибербуллингтің алдын алу және жеке деректерді қорғау бойынша маңызды кеңестер берді. Оқушыларға виртуалды кеңістіктегі қауіптердің салдары нақты мысалдар арқылы түсіндіріліп, күмәнді ақпараттар мен белгісіз адамдармен байланыс орнатудың қауіптілігі айтылды.

Кездесу еркін пікір алмасу форматында өтті. Жасөспірімдер өздерін толғандырған сұрақтарын қойып, полиция қызметкерлерінен нақты әрі жан-жақты жауап алды. Әсіресе, құқық бұзушылықтың салдары, заң алдындағы жауапкершілік, қауіпсіз мінез-құлық қағидалары және құқық қорғау органдарының қызметі туралы сұрақтар кеңінен талқыланды.

Полиция қызметкерлері құқықтық мәдениет – қауіпсіз қоғамның негізі екенін атап өтіп, әрбір жас азаматтың заңды құрметтеуі, қоғамдық тәртіпті сақтауы және өз әрекетіне жауапкершілікпен қарауы маңызды екенін жеткізді. Сондай-ақ қандай да бір құқыққа қайшы әрекетке куә болған жағдайда немесе көмек қажет болған кезде құқық қорғау органдарына дер кезінде хабарласудың маңыздылығы түсіндірілді.

Мұндай профилактикалық кездесулер жасөспірімдердің құқықтық білімін жетілдіруге, олардың бойында азаматтық жауапкершілік пен құқықтық сананы қалыптастыруға, құқық бұзушылықтың алдын алуға және қауіпсіз қоғамдық ортаны нығайтуға бағытталған. Жазғы демалыс кезеңінде өткізілетін осындай ақпараттық-түсіндіру жұмыстары балалардың бос уақытын тиімді ұйымдастырумен қатар, олардың қауіпсіздігін қамтамасыз етуге және заң талаптарын сақтаудың маңызын терең ұғындыруға ықпал етеді.

Қызылорда қаласы Полиция басқармасы кәмелетке толмағандардың құқықтарын қорғау, олардың қауіпсіздігін қамтамасыз ету және құқық бұзушылықтың алдын алу бағытындағы профилактикалық іс-шараларды алдағы уақытта да тұрақты түрде жалғастырады.

Сообщение ЖАСӨСПІРІМДЕРДІҢ ҚҰҚЫҚТЫҚ САУАТТЫЛЫҒЫН АРТТЫРУ – БАСТЫ НАЗАРДА появились сначала на Азаттық ньюс.

Қазақстан Республикасының заңнамасына сәйкес, 18 жасқа толмаған азаматтардың еңбек қызметі олардың құқықтары мен заңды мүдделерін қорғауға бағытталған арнайы талаптар негізінде ұйымдастырылады. Кәмелетке толмағандардың жұмысы олардың денсаулығына зиян келтірмеуі, оқу процесіне кедергі жасамауы және еңбек заңнамасында белгіленген нормаларға толық сәйкес болуы қажет.

Заң талаптарына сәйкес, кәмелетке толмаған оқушылар мен студенттер еңбек қызметімен ата-анасының немесе заңды өкілінің келісімімен ғана айналыса алады. Сонымен қатар, жұмыс беруші еңбек шартын заң талаптарына сай рәсімдеп, қауіпсіз еңбек жағдайларын қамтамасыз етуге міндетті.

Оқу кезеңінде кәмелетке толмағандардың күнделікті жұмыс уақыты төрт сағаттан аспауы тиіс. Бұл талап олардың білім алуына қолайлы жағдай жасау және денсаулығын қорғау мақсатында белгіленген.

Сондай-ақ кәмелетке толмағандарды ауыр дене еңбегіне, зиянды немесе қауіпті еңбек жағдайлары бар жұмыстарға, түнгі уақытта еңбек етуге, үстеме жұмысқа және іссапарларға тартуға заңмен жол берілмейді. Бұл нормалар жасөспірімдердің өмірі мен денсаулығын қорғауға бағытталған.

Құрметті ата-аналар! Балаларыңыздың еңбек құқықтарының сақталуына ерекше көңіл бөліңіздер. Еңбек шартының заң талаптарына сай жасалуы, жұмыс уақытының белгіленген нормадан аспауы және еңбек жағдайының қауіпсіз болуы – басты назарда болуы тиіс.

Құрметті жұмыс берушілер! Сырдария ауданында кәмелетке толмаған азаматтарды жұмысқа қабылдау кезінде Қазақстан Республикасының еңбек заңнамасының талаптарын қатаң сақтауға шақырамыз. Заң талаптарын орындау – әрбір жұмыс берушінің міндеті әрі жас ұрпақтың қауіпсіздігіне деген жауапкершілігінің көрінісі.

Заң талаптарын сақтау – жасөспірімдердің құқықтарын қорғаудың, олардың қауіпсіз еңбек етуіне жағдай жасаудың және қоғамның құқықтық мәдениетін арттырудың маңызды кепілі. Жастардың құқықтарының қорғалуы – олардың жарқын болашағына жасалған маңызды қадам.

Сообщение Сырдария ауданында кәмелетке толмағандардың еңбек құқықтарын сақтау – ортақ міндет появились сначала на Азаттық ньюс.

Қазіргі таңда жасөспірімдердің құқықтық тәрбиесін нығайту, олардың бос уақытын тиімді ұйымдастыру және заңсыз әрекеттерге тартылуының алдын алу – құқық қорғау органдарының ғана емес, бүкіл қоғамның маңызды міндетіне айналып отыр. Осыған байланысты профилактикалық іс-шара барысында полиция қызметкерлері білім беру ұйымдарымен, жергілікті атқарушы органдармен, әлеуметтік қорғау мекемелерімен және қоғамдық ұйымдармен бірлесіп кешенді жұмыстар жүргізуде.

Іс-шара аясында кәмелетке толмағандардың түнгі және кешкі уақытта заңды өкілдерінсіз көшеде жүруіне, қоғамдық орындарда құқық бұзушылықтарға жол беруіне ерекше назар аударылуда. Полиция қызметкерлері ойын-сауық орындарына, саябақтарға, аулаларға және жастар көп жиналатын өзге де қоғамдық орындарға рейдтік іс-шаралар ұйымдастырып, заң талаптарының сақталуын бақылауда.

Сонымен қатар өмірдің қиын жағдайына тап болған, әлеуметтік қолдауды қажет ететін немесе қараусыз қалған жасөспірімдерді анықтау жұмыстары да күшейтілген. Мұндай балаларға дер кезінде әлеуметтік және психологиялық көмек көрсету – олардың болашақта құқық бұзушылыққа баруының алдын алудың маңызды тетіктерінің бірі.

Профилактикалық шара барысында ата-аналық міндеттерін немесе заңды өкілдік жауапкершілігін тиісінше орындамайтын азаматтарды анықтауға да ерекше көңіл бөлінеді. Қолайсыз отбасылармен жеке профилактикалық жұмыстар жүргізіліп, ата-аналарға бала тәрбиесіндегі жауапкершілік, заң талаптары және балалардың құқықтарын қорғау мәселелері бойынша түсіндіру жұмыстары ұйымдастырылуда.

Сондай-ақ полиция қызметкерлері кәмелетке толмағандардың заңсыз еңбекке тартылуы мүмкін нысандарды тексеріп, балалар еңбегін пайдаланудың заң талаптарына сәйкестігін назарда ұстайды. Балалардың еңбек құқықтарының бұзылуына жол бермеу және оларға қатысты кез келген қылмыстық қол сұғушылықтың алдын алу – іс-шараның басым бағыттарының бірі болып табылады.

Мамандардың айтуынша, құқық бұзушылықтың алдын алу тек рейдтік іс-шаралармен шектелмейді. Ең бастысы – отбасы, мектеп және қоғам арасындағы өзара байланысты күшейту. Себебі бала тәрбиесіне жауапкершілікпен қарау, оның бос уақытын тиімді ұйымдастыру, құқықтық сауаттылығын арттыру және қауіпсіз орта қалыптастыру арқылы ғана оң нәтижеге қол жеткізуге болады.

Құқық қорғау органдары тұрғындарды балалардың қауіпсіздігіне бейжай қарамауға шақырады. Егер кәмелетке толмағандардың қараусыз жүргенін, заңсыз еңбекке тартылғанын немесе оларға қатысты құқыққа қайшы әрекеттердің орын алып жатқанын байқасаңыздар, бұл туралы дереу полицияға хабарлау қажет. Әрбір дер кезінде берілген ақпарат бала өмірі мен денсаулығын сақтауға, құқық бұзушылықтың алдын алуға мүмкіндік береді.

«Нүктелік пысықтаулар» жедел профилактикалық іс-шарасы – жасөспірімдердің қауіпсіздігін қамтамасыз етуге, олардың құқықтары мен заңды мүдделерін қорғауға бағытталған маңызды шаралардың бірі. Балалардың амандығы – мемлекеттің ғана емес, әрбір ата-ананың, педагогтің және қоғам мүшесінің ортақ жауапкершілігі. Сондықтан құқық бұзушылықтың алдын алу бағытындағы жұмыстар тұрақты түрде жалғасып, өскелең ұрпақтың қауіпсіз әрі жарқын болашағын қалыптастыруға өз үлесін қоса береді.

Сообщение Жасөспірімдер қауіпсіздігі – қоғамның ортақ міндеті: облыста «Нүктелік пысықтаулар» жедел профилактикалық іс-шарасы өтуде появились сначала на Азаттық ньюс.

Электр самокаты жүргізушілері жол қозғалысының толыққанды қатысушысы болғандықтан, олар қолданыстағы заңнама талаптарын бұлжытпай орындауға міндетті. Ең алдымен белгіленген жылдамдық режимін сақтап, өзге қозғалыс қатысушыларының қауіпсіздігіне қауіп төндірмеу қажет. Әсіресе адамдар көп жүретін орындарда қозғалыс жылдамдығын төмендетіп, жаяу жүргіншілерге әрдайым басымдық берген жөн.

Жолдың жүру бөлігінде қозғалған жағдайда жүргізуші жол қозғалысы ережелерін қатаң сақтап, жол белгілері мен бағдаршам талаптарын орындауы тиіс. Сонымен қатар кенет бұрылу, қауіпті маневр жасау немесе өзге көлік құралдары мен жаяу жүргіншілерге кедергі келтіретін әрекеттерден аулақ болғаны дұрыс. Мұндай жауапсыз әрекеттер жол-көлік оқиғаларының туындауына себеп болуы мүмкін.

Қауіпсіздікті қамтамасыз етудің маңызды шарттарының бірі – қорғаныс құралдарын пайдалану. Мамандар электр самокатын басқару кезінде міндетті түрде қорғаныс дулығасын киіп, қараңғы уақытта немесе көріну деңгейі төмен жағдайда жарық шағылыстыратын элементтері бар киім пайдалануға кеңес береді. Бұл жүргізушінің жолда анық көрінуіне және апат қаупін азайтуға мүмкіндік береді.

Полиция қызметкерлері электр самокатын мас күйінде басқаруға заңмен қатаң тыйым салынғанын ескертеді. Сондай-ақ қозғалыс кезінде ұялы телефонды пайдалану, хабарлама жазу немесе сөйлесу жүргізушінің назарын жолдан бөліп, қайғылы жағдайларға әкелуі мүмкін. Сондықтан қозғалыс барысында барынша мұқият болып, барлық назарды жол жағдайына аудару қажет.

Құқық қорғау органдары ата-аналарға да ерекше жауапкершілік жүктелетінін атап өтеді. Кәмелетке толмаған балалардың электр самокатын пайдалануына бақылау жасап, оларға жол қозғалысы ережелерін түсіндіру, қауіпсіздік талаптарын үйрету – әрбір ата-ананың міндеті. Балалардың көшеде қауіпсіз жүру мәдениетін қалыптастыру арқылы көптеген келеңсіз жағдайлардың алдын алуға болады.

Қызылорда облысы Полиция департаментінің Профилактикалық жұмысты үйлестіру басқармасы тұрғындарды жолдағы тәртіп пен қауіпсіздікке бейжай қарамауға шақырады. Жол қозғалысы ережелерін сақтау – өз өміріңізді ғана емес, айналаңыздағы адамдардың да өмірі мен денсаулығын қорғаудың ең тиімді жолы. Әрбір жүргізушінің жауапкершілігі мен сақтығы – қауіпсіз қоғам қалыптастырудың маңызды кепілі.

Жолдағы қауіпсіздік – баршамыздың ортақ міндетіміз!

Сообщение Электр самокатын қауіпсіз пайдаланыңыз! появились сначала на Азаттық ньюс.

Қазіргі таңда цифрлық технологиялардың қарқынды дамуы тұрғындардың күнделікті өмірін жеңілдеткенімен, интернет кеңістігінде жасалатын құқық бұзушылықтар мен алаяқтық әрекеттердің де көбеюіне ықпал етіп отыр. Осыған байланысты құқық қорғау органдары азаматтардың киберқауіпсіздігін қамтамасыз ету бағытындағы жұмыстарды күшейтуде.

Жедел-профилактикалық іс-шара барысында интернет желісі арқылы жасалатын алаяқтық қылмыстарды анықтау мен ашуға басымдық беріледі. Әсіресе әлеуметтік желілер мен түрлі интернет платформалар арқылы тұрғындарды алдап, қаржысын заңсыз иемденуге бағытталған қылмыстық әрекеттерді анықтау бойынша кешенді жұмыстар жүргізілмек.

Сонымен қатар жалған интернет-дүкендер мен азаматтардың жеке мәліметтері мен банк деректерін заңсыз иемденуге арналған фишингтік сайттарды анықтау және бұғаттау шаралары қолға алынады. Мұндай интернет ресурстары арқылы азаматтардың қаржылық деректерін иемденіп, банк шоттарынан қаражат ұрлау деректері жиі кездесетіндіктен, олардың қызметін дер кезінде тоқтату маңызды міндеттердің бірі болып табылады.

Іс-шара аясында банк карталары, мобильді банкинг қызметтері мен электрондық әмияндарды пайдалану арқылы жасалған алаяқтық қылмыстарды ашу бағытындағы жұмыстар да күшейтіледі. Құқық қорғау органдары мұндай құқық бұзушылықтарға қатысы бар тұлғаларды анықтап, олардың заңсыз әрекеттерінің жолын кесуге ерекше назар аударады.

Бұдан бөлек, заңсыз онлайн-казино қызметін ұйымдастыру, интернет арқылы есірткі құралдарын жарнамалау және тарату, сондай-ақ қоғамға қауіпті әрі заңмен тыйым салынған өзге де контентті анықтау бағытында тұрақты мониторинг жүргізілетін болады.

«Hi-Tech» жедел-профилактикалық іс-шарасының маңызды бағыттарының бірі – тұрғындардың киберсауаттылығын арттыру. Осы мақсатта халық арасында кең көлемді ақпараттық-түсіндіру жұмыстары ұйымдастырылып, интернет алаяқтарының жиі қолданатын тәсілдері, жеке деректерді қорғау жолдары және қауіпсіз онлайн қызметтерді пайдалану қағидалары түсіндірілмек.

Мамандар азаматтарды белгісіз сілтемелерге өтпеуге, күмәнді интернет-дүкендерден сауда жасамауға, банк карталарының деректері мен SMS арқылы келетін растау кодтарын бөгде адамдарға бермеуге шақырады. Сондай-ақ күмәнді қоңыраулар мен хабарламаларға сақтықпен қарап, кез келген күдікті жағдай туралы құқық қорғау органдарына дереу хабарлау қажеттігін ескертеді.

Құқық қорғау органдарының мәліметінше, цифрлық қауіпсіздікті қамтамасыз ету – тек мемлекеттік органдардың ғана емес, әрбір азаматтың жауапкершілігін талап ететін маңызды мәселе. Сондықтан интернет кеңістігінде сақтық шараларын сақтау және жеке мәліметтердің қауіпсіздігін қамтамасыз ету – киберқылмыстардың алдын алудың ең тиімді жолы болып саналады.

Сообщение Сырдария ауданында «Hi-Tech» жедел-профилактикалық іс-шарасы басталды появились сначала на Азаттық ньюс.

Соңғы уақытта өңірде кәмелетке толмаған жасөспірімдердің мопедтерді заң талаптарын сақтамай басқару фактілері жиілеп отыр. Бұл жағдай құқық қорғау органдарын ғана емес, жалпы қоғамды алаңдатып отыр. Себебі тәжірибе көрсеткендей, жүргізушілік тәжірибесі мен қажетті құқықтық құжаттары жоқ жасөспірімдердің көлік құралын басқаруы жол-көлік оқиғаларының орын алу қаупін едәуір арттырады.

Мопедті заңсыз басқарудың салдары ауыр болуы мүмкін. Мұндай жағдайларда жас жүргізушінің өзі ғана емес, жолаушылар мен өзге де жол қозғалысына қатысушылардың өмірі мен денсаулығына үлкен қауіп төнеді. Бір сәттік жауапсыздық орны толмас қайғылы оқиғаларға әкелуі ықтимал.

Полиция департаменті Қазақстан Республикасының қолданыстағы заңнамасына сәйкес жол қозғалысына қатысатын әрбір азамат белгіленген талаптарды сақтауға міндетті екенін еске салады. Көлік құралын заң талаптарын бұза отырып басқаруға жол берген немесе оған жағдай жасаған ата-аналар да заңнамада көзделген жауапкершілікке тартылады.

Мамандардың айтуынша, балалардың қауіпсіздігін қамтамасыз етуде ата-ананың жауапкершілігі ерекше. Сондықтан ата-аналар балаларының мопед немесе басқа да көлік құралдарын рұқсатсыз басқаруына жол бермеуі тиіс. Сонымен қатар жасөспірімдерге жол қозғалысы ережелерін үнемі түсіндіріп, жолда өзін қауіпсіз ұстау мәдениетін қалыптастыру – әрбір отбасының басты міндеттерінің бірі.

Жол қозғалысы мәдениетін қалыптастыру – тек полиция қызметкерлерінің ғана емес, бүкіл қоғамның ортақ міндеті. Әсіресе жазғы демалыс кезінде көшелерде мопед пен өзге де жеңіл көлік құралдарын тізгіндейтін жасөспірімдер саны артады. Осы кезеңде сақтық шараларын күшейтіп, заң талаптарын бұлжытпай орындау аса маңызды.

Қызылорда облысы Полиция департаменті ата-аналарды балаларының қауіпсіздігіне бейжай қарамауға шақырады. Ал жасөспірімдерге жол қозғалысы ережелерін қатаң сақтап, заң талаптарын орындау – өз өмірі мен айналасындағылардың қауіпсіздігін сақтаудың басты кепілі екенін ескертеді.

Жолдағы қауіпсіздік – әркімнің жеке жауапкершілігінен басталады. Заң талаптарын сақтау арқылы ғана адам өмірін сақтап, жол-көлік оқиғаларының алдын алуға болады.

Сообщение Жасөспірімдердің мопедті заңсыз басқаруы – қоғамды алаңдатқан мәселе появились сначала на Азаттық ньюс.

Рақымшылық қоғамға қауіп төндірмейтін, адамдардың өмірі мен денсаулығына, қоғамдық қауіпсіздікке және заңмен қорғалатын қоғам мен мемлекеттің өзге де маңызды мүдделеріне зиян келтіретін қылмыстық және әкімшілік құқық бұзушылықтар жасаған адамдарға қолданылады. Қылмыстық жауаптылықтан және жазадан негізінен қылмыстық теріс қылықтар, онша ауыр емес қылмыс жасаған адамдар, сондай-ақ келтірілген залал болмаған немесе толық өтелген жағдайда орташа ауырлықтағы қылмыс жасаған жекелеген санаттағы адамдар босатылады.

Заңға сәйкес, сотталғандардың белгілі бір санатына жасалған қылмыстың ауырлығы, келтірілген залалдың өтелуі және жазаны өтеу кезеңіндегі мінез-құлқы ескеріле отырып, жазаның өтелмеген бөлігінің мерзімі қысқартылады.

Алдын ала есеп бойынша, 16,5 мыңнан астам адам жаңа өмір бастауға мүмкіндік алады. Олардың 2 900-ге жуығы әйел адамдар, оның ішінде жүкті әйелдер мен кәмелетке толмаған балаларды тәрбиелеп отырған аналар. Рақымшылық қоғамдық тәртіптің немесе азаматтардың қауіпсіздік деңгейінің төмендеуіне әкелмейді.

Өйткені Заң сыбайлас жемқорлық, терроризм және экстремизм қылмыстарын, жыныстық еркіндік пен қол сұғылмаушылыққа қарсы, оның ішінде кәмелетке толмағандарға қатысты қылмыстарды, азаптауды, қылмыстық топ құрамында жасалған қылмыстарды, сондай-ақ қылмысты қайталап немесе аса қауіпті қайталап жасаған адамдарға ешқандай жеңілдік қарастырмайды.

Сондай-ақ өмір бойына бас бостандығынан айырылғандар мен сырттай сотталғандар да рақымшылыққа ілінбейді. Тәуелсіз Қазақстан тарихында алғаш рет өткізілетін әкімшілік рақымшылық Әкімшілік құқық бұзушылық туралы кодекстің 260-тан астам бабында көзделген құқық бұзушылықтар үшін салынған айыппұлдарды төлеуден босатуды көздейді. Тек ішкі істер органдары қарайтын әкімшілік құқық бұзушылықтардың өзіне қатысты 17 млрд теңгеден астам сомаға салынған шамамен 1 миллион айыппұл рақымшылыққа ілігеді. Осылайша, әкімшілік рақымшылық азаматтардың қаржылық жүктемесін азайтуға мүмкіндік береді.

Сонымен қатар әкімшілік рақымшылық ең өрескел құқық бұзушылықтарды жасаған адамдарға қолданылмайды. Олардың қатарында қару мен есірткінің заңсыз айналымына байланысты құқық бұзушылықтар, жол жүрісі қағидаларын өрескел бұзу (мас күйінде көлік жүргізу, қарсы қозғалыс жолағына шығу және жүргізуші куәлігінен айыруға әкеп соққан басқа да бұзушылықтар), сондай-ақ құқық бұзушылықты қайталап жасаған адамдар бар. Әкімшілік рақымшылық мемлекеттік ақпараттық жүйелер арқылы автоматты түрде жүзеге асырылады. Бұл үшін азаматтардың мемлекеттік органдарға жүгінуі талап етілмейді.

Айта кету қажет, қылмыстық және әкімшілік рақымшылық бір реттік сипатқа ие. Егер рақымшылыққа ілінген адам кейін қайтадан құқық бұзушылық жасаса, ол жалпы негізде заң алдында жауап береді. Қабылданған Заң ізгілік, әділеттілік және аса қауіпті құқық бұзушылықтар үшін жауапкершіліктің бұлтартпастығы қағидаттарының теңгерімін қамтамасыз ете отырып, азаматтардың құқықтарын, қоғам мен мемлекеттің заңды мүдделерін қорғауға басымдық береді.

Сообщение Сыбайлас жемқорлар, зорлық-зомбылық жасағандар және мас күйінде көлік жүргізгендер рақымшылық жасауға ілінбейді появились сначала на Азаттық ньюс.

Рақымшылық қоғамға қауіп төндірмейтін, адамдардың өмірі мен денсаулығына, қоғамдық қауіпсіздікке және заңмен қорғалатын қоғам мен мемлекеттің өзге де маңызды мүдделеріне зиян келтіретін қылмыстық және әкімшілік құқық бұзушылықтар жасаған адамдарға қолданылады.

Қылмыстық жауаптылықтан және жазадан негізінен қылмыстық теріс қылықтар, онша ауыр емес қылмыс жасаған адамдар, сондай-ақ келтірілген залал болмаған немесе толық өтелген жағдайда орташа ауырлықтағы қылмыс жасаған жекелеген санаттағы адамдар босатылады.

Заңға сәйкес, сотталғандардың белгілі бір санатына жасалған қылмыстың ауырлығы, келтірілген залалдың өтелуі және жазаны өтеу кезеңіндегі мінез-құлқы ескеріле отырып, жазаның өтелмеген бөлігінің мерзімі қысқартылады.

Алдын ала есеп бойынша, 16,5 мыңнан астам адам жаңа өмір бастауға мүмкіндік алады. Олардың 2 900-ге жуығы әйел адамдар, оның ішінде жүкті әйелдер мен кәмелетке толмаған балаларды тәрбиелеп отырған аналар.

Рақымшылық қоғамдық тәртіптің немесе азаматтардың қауіпсіздік деңгейінің төмендеуіне әкелмейді. Өйткені Заң сыбайлас жемқорлық, терроризм және экстремизм қылмыстарын, жыныстық еркіндік пен қол сұғылмаушылыққа қарсы, оның ішінде кәмелетке толмағандарға қатысты қылмыстарды, азаптауды, қылмыстық топ құрамында жасалған қылмыстарды, сондай-ақ қылмысты қайталап немесе аса қауіпті қайталап жасаған адамдарға ешқандай жеңілдік қарастырмайды.

Сондай-ақ өмір бойына бас бостандығынан айырылғандар мен сырттай сотталғандар да рақымшылыққа ілінбейді.

Тәуелсіз Қазақстан тарихында алғаш рет өткізілетін әкімшілік рақымшылық Әкімшілік құқық бұзушылық туралы кодекстің 260-тан астам бабында көзделген құқық бұзушылықтар үшін салынған айыппұлдарды төлеуден босатуды көздейді.

Тек ішкі істер органдары қарайтын әкімшілік құқық бұзушылықтардың өзіне қатысты 17 млрд теңгеден астам сомаға салынған шамамен 1 миллион айыппұл рақымшылыққа ілігеді.

Осылайша, әкімшілік рақымшылық азаматтардың қаржылық жүктемесін азайтуға мүмкіндік береді. Сонымен қатар әкімшілік рақымшылық ең өрескел құқық бұзушылықтарды жасаған адамдарға қолданылмайды. Олардың қатарында қару мен есірткінің заңсыз айналымына байланысты құқық бұзушылықтар, жол жүрісі қағидаларын өрескел бұзу (мас күйінде көлік жүргізу, қарсы қозғалыс жолағына шығу және жүргізуші куәлігінен айыруға әкеп соққан басқа да бұзушылықтар), сондай-ақ құқық бұзушылықты қайталап жасаған адамдар бар.

Әкімшілік рақымшылық мемлекеттік ақпараттық жүйелер арқылы автоматты түрде жүзеге асырылады. Бұл үшін азаматтардың мемлекеттік органдарға жүгінуі талап етілмейді.

Айта кету қажет, қылмыстық және әкімшілік рақымшылық бір реттік сипатқа ие. Егер рақымшылыққа ілінген адам кейін қайтадан құқық бұзушылық жасаса, ол жалпы негізде заң алдында жауап береді.

Сообщение Рақымшылық жасау қоғамға қауіптөндірмейтін адамдарға ғана қолданылады – Президент заңға қол қойды появились сначала на Азаттық ньюс.