Еліміздің экономикалық өсуінің алғашқы осындай бірегей алаңы мен жаңа орны Алатау қаласы болмақ. Мемлекет басшысы 8 мамырда қол қойған Конституциялық Заң ауқымды жобаның құқықтық негізін қалайды. Жаңа мәртебенің арқасында Алатау өзінің институционалдық құрылымы бар дербес экономикалық экожүйеге ие болады. Ол 12 ай ішінде кезең-кезеңмен енгізіледі. 1 шілдеден бастап Alatau City Authority толыққанды мемлекеттік органға айналады. Ал қаланың дамуын стратегиялық басқару Премьер-министрдің тікелей төрағалығымен Кеңеске өтеді.

Алатауда халықаралық инвесторлар үшін түбегейлі жаңа орта құрылады. Қаланың арнайы режимі бойынша бизнесті жүргізуде орнықты жағдай, жеке лицензиялау тәртібі, «бір терезе» қағидатымен тәуелсіз реттеу және капиталды қорғаудың халықаралық тетігі қолданылады. Қала аумағында үздік әлемдік стандарттармен толықтырылған арнайы салық, кедендік және бюджеттік режим де жұмыс істей бастайды. Жетекші халықаралық консалтингтік компаниялардың қолдауымен жыл соңына дейін сәулет, құрылыс және қадағалау жөніндегі нормативтік база қалыптастырылады.

Алатауды стратегиялық жоспарлау алдағы онжылдықтарға есептелген. Қазір 30 жылдық ұзақ мерзімді даму жоспары, бас жоспар және 2040 жылға дейінгі стратегия әзірленіп жатыр. Қаланың өзі ақылды және технологиялық тұрғыда болады: Корея Республикасымен бірлесіп 330 гектар аумақта K-Smart City цифрлық ауданы жобаланып жатыр. Оның құрылысын корейлік әзірлеушілер 2027 жылы бастайды. Процестерді басқаруда Alatau AI-Driven City тұжырымдамасы шеңберінде жасанды интеллектке толықтай сенім беріледі. Ол қаланың толыққанды цифрлық егізін құруға арналған.

Мегаполистің экономикалық іргетасы үдемелі қарқынмен қалануда. Қолданыстағы жол картасында қазірдің өзінде 36 ауқымды инфрақұрылымдық жоба қамтылған. Сонымен қатар, жалпы көлемі 2 триллион теңгеге жуық 53 жобадан тұратын инвестициялық портфель қалыптастырылған. Бұл шамамен 51 мың жаңа жұмыс орнын құруға мүмкіндік береді.

Сообщение Жаңа Конституция: жедел даму қалалары және Алатаудың бірегей экономикалық экожүйесін іске қосу появились сначала на Азаттық ньюс.

Қызылорданың Сол жағалауында бой көтерген жаңа стадионда өткен салтанатты шарада облыс әкімі сөз сөйлеп, өңірде Полиция департаменті бөлімшелерінің материалдық-техникалық базасын нығайту мақсатында тиімді шаралар қабылданғанын атап өтті. Көліктерді тапсырып, өңірдегі қауіпсіздіктің артатынына сенім білдірді.
Бүгінде өңірімізде құқық қорғау органдарын материалдық-техникалық тұрғыда нығайту бағытында жүйелі жұмыс жүргізіліп келеді.
Табысталып отырған көліктер полиция қызметін жаңғырту және қызметкерлерге қолайлы жағдай жасау бағытындағы кешенді жұмыстың бір бөлігі.
«Міне, бүгін өздеріңіз көріп отырғандай, аймақ басшысының қатысуымен полиция қызметкерлеріне қызметтік автокөліктерді салтанатты түрде табыстау рәсімі өтті.
Қазақстан Республикасының ішкі істер органдары – адам мен азаматтың өмірі мен құқықтарын қорғауға, қоғамдық тәртіпті сақтауға және қоғамдық қауіпсіздікті қамтамасыз етуге арналған құқық қорғау органы.
Осы тұрғыда жүктелген міндеттерді сапалы орындау және халықпен тікелей жұмыс істейтін жеке құрамның күнделікті қызметіне қолайлы жағдай жасау мақсатында Ішкі істер министрі Ержан Сапарбекұлы мен аймақ басшысы Нұрлыбек Машбекұлы тарапынан жүйелі қолдау көрсетілуде.
Соның бір дәлелі – аймақ басшысының қолдауымен жергілікті бюджет есебінен 114 қызметтік автокөлікпен қамтамасыз етілді.
«Заң мен тәртіп» қағидаты – біздің қызметіміздің негізгі өзегі. Көрсетіліп отырған қолдау жүктелген міндеттерді тиімді орындауға елеулі серпін беретіні сөзсіз.
Күндіз де, түнде де, ыстықта да, суықта да қоғамдық қауіпсіздікті қамтамасыз етіп, азаматтардың тыныштығы мен құқықтарын қорғау жолында аянбай еңбек етіп жүрген жеке құрам көрсетіліп жатқан бұл қолдауды терең түсініп, қабылдаған антына адал болып, ел игілігі үшін алдағы уақытта да сапалы қызмет атқара береді» деді Полиция департаментінің бастығы Серік Ергешов.
Тәртіп сақшыларына берілген темір тұлпарлар тұтастай заманауи құралдармен жабдықталған. Олар сенімді байланыс құралдарымен, бейнетіркеу жүйелерімен, бағыттау құрылғыларымен, арнайы жарық және дыбыс сигналдарымен, сондай-ақ жедел қызмет атқаруға қажетті басқа да техникалық мүмкіндіктермен жабдықталған. Бұл тәртіп сақшыларының жедел әрекет етуі мен жұмысының сапасын арттырады.
Полицейлердің айтуынша жаңа автокөліктердің берілуі қызметкерлердің жұмыс өнімділігіне тікелей әсер етеді.
«Жаңа автокөлік алу – әрбір полицей үшін үлкен жауапкершілік. Бұл көлік біздің күнделікті қызметімізді жеңілдетіп, тапсырмаларды жылдам әрі сапалы орындауымызға мүмкіндік береді. Қазіргі заманғы технологиялармен жабдықталғандықтан, қауіпсіздік деңгейі де жоғары. Біз үшін ең маңыздысы – халықтың тыныштығын сақтау және жол қауіпсіздігін қамтамасыз ету. Сондықтан бұл көлік – тек ыңғайлылық емес, үлкен сенім мен міндет» дейді Қызылорда қаласы Полиция басқармасының патрульдік полиция батальонының инспекторы полиция аға лейтенанты Жұбатханов Алихан.
Жаңа автокөліктермен тәртіп сақшыларының қызмет атқару сапасы артып, құқық бұзушылық пен қылмысқа жол бермеуге, ел тыныштығын күзетіп, темірдей тәртіпті сақтап жүрген полицейлер қызметінің жеделдігін арттырып, облыстағы қоғамдық тәртіпті қамтамасыз етуге өз септігін тигізбек.

Сообщение Қызылордалық полицейлерге жаңа қызметтік көліктер берілді появились сначала на Азаттық ньюс.

Ғасыр ғұмырдың белесіне таяған ақсақал маңызды саяси науқаннан шет қалмай, азаматтық жауапкершіліктің жарқын үлгісін көрсетті. Ел ағасы ел болашағына қатысты мұндай маңызды қадамдардың әрбір азамат үшін айрықша мәні бар екенін атап өтті. Сондай-ақ мемлекет игілігі үшін жүзеге асып жатқан бастамаларға сәттілік тілеп, елдің амандығы мен берекесі үшін ақ батасын берді.

Сайлау учаскесінде ақсақалға ерекше құрмет көрсетіліп, иығына шапан жабылды. Бұл – үлкенге деген құрмет пен ел ағаларына деген ілтипаттың белгісі.

Қазыналы қарияның бұл ісі кейінгі ұрпаққа өнеге болып, елдік мәселелерге бейжай қарамай, қоғамдық маңызды шараларға белсене қатысудың маңызын айқын көрсетеді.

Сообщение 95 ЖАСТАҒЫ ҚАРИЯ РЕФЕРЕНДУМДА ӨЗ ТАҢДАУЫН ЖАСАДЫ появились сначала на Азаттық ньюс.

Қала жастарына жақсы таныс образ батылдық пен жеңістің символы. Көпшілік оны Қызылорданың намысын қорғайтын FC KAYSAR командасының рухымен де байланыстырады. Айта кету керек, Көкбөрі 2026 жылғы республикалық референдумның Қызылордалықтар үшін басты кейіпкеріне айналып үлгерген.

Учаскеге келген тұрғындар «Көк бөрімен» суретке түсіп, ерекше атмосферада өз дауыстарын берді.

Сыр өңірінде бүгінгі күн тек дауыс беру күні ғана емес, бірлік пен белсенділіктің күні болды.

Сообщение ? КӨК БӨРІ №260 УЧАСКЕДЕ! появились сначала на Азаттық ньюс.

Сообщение ҚЫЗЫЛОРДА ОБЛЫСЫНДА 105 ЖАСТАҒЫ ҰЛЫ ОТАН СОҒЫСЫНЫҢ АРДАГЕРІ ЯХИЯ ТАСЫРОВ ДАУЫС БЕРДІ появились сначала на Азаттық ньюс.

Аймақ басшысы жиналған жұртшылықты республикалық маңызы бар автомобиль жолы құрылысының басталуымен құттықтап, жол-көлік инфрақұрылымын дамытуда атқарылған жұмыстарға тоқталды.

«Биыл – еліміз, өңіріміз үшін тарихи маңызды жыл. Мемлекет басшымыз Қасым-Жомарт Кемелұлы қаламызда өткен Ұлттық құрылтайдың қорытынды бесінші отырысында «Соңғы жылдары Қызылорда облысы заман талабына сай өсіп-өркендеп жатыр» деп, Cыр өңірінде атқарылған жұмыстарға оң бағасын берді. Облысымыздың әлеуметтік-экономикалық дамуына, тұрғындарымыздың әл-ауқатын арттыруға бағытталған бірқатар жаңа ірі жобаның жүзеге асырылатынын, оның ішінде «Бейнеу – Сексеуіл» бағытындағы жол құрылысы биыл қолға алынатынын, «Батыс Еуропа – Батыс Қытай» халықаралық автодәлізінің Қызылорда – Ақтөбе бағытын төрт жолақты етіп кеңейту жобасы басталатынын айтты.
Президентіміз «Жер көлемі жөнінен әлемде тоғызыншы орын алатын еліміздің, жалпы, көлік-транзит саласында зор мүмкіндіктері бар. Бұл – айрықша назар аударуды талап ететін стратегиялық бағыт»,– деген болатын.
Осы мақсатта өңірімізде белсенді жұмыстар атқарылуда. Мемлекет басшымыздың, Үкіметтің ерекше қолдауымен
2022-2025 жылдары аймағымыздағы 1 600 шақырым автомобиль жолы мен көшелерді, 30 көпір өткелін салуға, күрделі жөндеуден өткізуге 150 млрд. теңгеге жуық қаржы бөлінді.
Нәтижесінде жақсы жағдайдағы жолдардың үлесі 95 пайызға жетті. Биыл да жол инфрақұрылымын дамытуға бағытталған 56 жобаға бюджеттен 37 млрд. 845 млн. теңге қаралған. Бұл қаржыға 136 шақырым жол мен көпір өткелдері жөндеуден өтеді.

Бүгін Өздеріңізбен бірге аймағымыз үшін маңызы зор жобалардың бірі Қызылорда – Ақтөбе бағытындағы жолды төрт жолақтыға кеңейтудің бірінші кезеңін бастаймыз.
Құрылысы басталғалы тұрған автожол өңірдің өркендеуіне, халық игілігіне қызмет ететін маңызды көлік дәлізіне айналсын! Жүргізушілер мен жолаушыларға әрдайым ақ жол, сәт сапар тілейміз», – деді Нұрлыбек Машбекұлы.

Рәсімде Дархан Серікұлы, Қызылорда облысының Құрметті азаматы, Қазақстанның Еңбек Ері Абзал Жұмашұлы ізгі тілегін жеткізді.

Айта кетейік, Мемлекет басшысы 2023 жылғы 10 қазанда Сыр өңіріне жұмыс сапарымен келгенде Қызылорда қаласынан Ақтөбеге дейінгі автомобиль жолын төрт жолақтыға ауыстырудың жобалау жұмыстарын жедел бастауды тапсырған болатын.
Осы жұмысты қысқа мерзімде аяқтау үшін демеушілер есебінен 350 млн. теңгеге техника-экономикалық негіздеме әзірленді, 487 шақырым жолға мемлекеттік сараптаманың оң қорытындысы алынды.

Жалпы жоба 2 кезеңнен тұрады. Бірінші кезеңі – 26 шақырымдық Қызылорда қаласының айналма жолын салу. Екінші кезеңі – Қызылорда қаласынан басталып Сырдария, Жалағаш, Қармақшы аудандарының сыртымен айналып өтіп, «Батыс Еуропа – Батыс Қытай» халықаралық көлік дәлізіне қосылатын 462 шақырым жол.

Автодәліз бойына жаңадан 11 көпір, 13 жол өткелі, 62 үй жануарларына арналған өткел мен 399 су өткізгіш құбыр салынады. Жолаушылар мен жүргізушілерге арналған заманауи сервистік қызмет көрсететін пункттер бой көтеріп, шағын және орта бизнестің дамуына мүмкіндік туады.

Автожолдың ІІ санаттан І санатқа ауысуы көлік қатынасын едәуір жеңілдетіп, жүк тасымалының тиімділігін арттырады.

Сообщение ҚЫЗЫЛОРДА – АҚТӨБЕ БАҒЫТЫНДАҒЫ ЖОЛДЫ ТӨРТ ЖОЛАҚТЫҒА КЕҢЕЙТУ ЖОБАСЫНЫҢ БІРІНШІ КЕЗЕҢІ БАСТАЛДЫ появились сначала на Азаттық ньюс.

Сообщение Қызылордада өңірлік коалиция құрылды появились сначала на Азаттық ньюс.

Құрылыс алаңында болған облыс әкімінің орынбасары Бақыт Жаханов пен қала әкімі Нұржан Ахатов мердігерге жұмыстың қарқынын бәсеңдетпей, нысанды уақытында әрі сапалы аяқтау жөнінде тапсырма берді.

Естеріңізге сала кетейік, ірі жобамен қатар Сырдария өзені үстінен Президент саябағы мен Астана шағын ауданын байланыстыратын жаяу жүргіншілер көпірі салынады.

Сообщение САЯБАҚТА ҚЫЗУ ЖҰМЫС ЖҮРУДЕ появились сначала на Азаттық ньюс.

Сообщение ТҰРҒЫНДАР ҮШІН ЖАЙЛЫ МЕКЕН ҚАЛЫПТАСТЫРУ: ҚЫЗЫЛОРДА ҚАЛАСЫНДА АУҚЫМДЫ ЖҰМЫСТАР ЖҮРГІЗІЛУДЕ появились сначала на Азаттық ньюс.

Бүгін облыс әкімінің бірінші орынбасары Данияр Жаналиновтың төрағалығымен өткен кеңейтілген мәжілісте өңірдің әлеуметтік-экономикалық дамуы үшін маңызды бірнеше мәселе қаралды. Күн тәртібінде егін жинау науқанының қорытындысы, спорттық инфрақұрылымды дамыту және бұқаралық спортты жандандыру бағытындағы жұмыстар талқыланды.

Жиын барысында Қызылорда қаласының әкімі Нұржан Ахатов биылғы егін жинау науқанының нәтижелері жөнінде баяндап, алдағы жылға арналған міндеттерді нақтылады.

— Биылғы жылы қала аумағында 8 мың гектардан астам жерге ауыл шаруашылығы дақылдары орналастырылды. Оның ішінде негізгі дақыл – күріш 3 мың 354 гектарға егілді. Қиындықтарға қарамастан, егінге су толық көлемде берілді. Бүгінде жиын-терім науқаны талапқа сай жүргізіліп, өнім ысырапсыз жиналып алынды, — деді қала әкімі.

Сондай-ақ, Нұржан Сәбитұлы алдағы уақытта шаруашылықтардың су үнемдеу технологияларын енгізіп, суды аз қажет ететін дақылдарға көшу қажеттігін атап өтті. Бұл бағытта қала әкімдігі тарапынан шаруашылық құрылымдарына түсіндірме жұмыстары жүргізілетінін жеткізді.

Бұқаралық спорт – басты назарда

Мәжіліс барысында қаладағы спорт саласының дамуы мен бұқаралық спортты қолдау жайы да талқыланды. Соңғы жылдары Қызылорда қаласында тұрғындардың салауатты өмір салтын ұстануға деген қызығушылығы артып келеді. Аймақ басшысының қолдауымен жаңа спорт нысандары салынып, тұрғындарға қолжетімді жағдайлар жасалуда.

— Ендігі міндет – спорт нұсқаушыларының жұмысын жүйелеу. Бұл бағытта нақты тәртіп пен бақылау болуы шарт. Мемлекеттің басты капиталы – адам. Сондықтан дені сау ұлт тәрбиелеу, салауатты өмір салтын қалыптастыру — біздің ортақ міндетіміз, — деді қала басшысы.

Қосымша мәселелер назардан тыс қалмады

Жиын соңында күн тәртібінен тыс бірнеше өзекті мәселе қаралды. Қала әкімі жауапты басқармаларға санитарлық тазалық шараларын жүйелі түрде ұйымдастыруды, жылу беру маусымында апаттық жағдайлардың алдын алуды және күннің суытуына байланысты барлық қажетті жұмыстарды үйлестіруді тапсырды.

Мәжіліс қорытындысында барлық сала басшыларына нақты тапсырмалар беріліп, олардың орындалу барысы қатаң бақылауда болатыны атап өтілді.

Сообщение МӘЖІЛІСТЕ ӨЗЕКТІ МӘСЕЛЕЛЕР ТАЛҚЫЛАНДЫ появились сначала на Азаттық ньюс.