Медицина — Азаттық ньюс

Ақ халатты абзал жандарға құрмет: Қызылорда облысы Полиция департаментінде медицина қызметкерлері марапатталды

Azattyq-news — Fri, 03 Jul 2026 06:09:18 +0000

Қызылорда облысы Полиция департаментінде медицина қызметкерлерінің кәсіби мерекесіне арналған салтанатты іс-шара ұйымдастырылып, адам денсаулығын қорғау жолында аянбай еңбек етіп жүрген сала мамандарына құрмет көрсетілді.

Мерекелік жиынға Қызылорда облысы Полиция департаменті бастығының орынбасары, полиция полковнигі Сейтмұрат Сұлтанбекұлы Туляпов қатысып, департаменттің медицина бөлімі мен емханасының қызметкерлерін кәсіби мерекелерімен құттықтады.

Өзінің құттықтау сөзінде ол медицина қызметкерлерінің қоғамдағы орны мен жауапкершілігі ерекше екенін атап өтті. Әсіресе, ішкі істер органдары жүйесінде қызмет атқаратын дәрігерлер мен орта буын медицина мамандары полиция қызметкерлерінің денсаулығын сақтауда, олардың кәсіби міндеттерін сапалы атқаруына жағдай жасауда маңызды рөл атқаратынын жеткізді.

– «Дәрігер мамандығы – адам өмірі мен денсаулығына жауапты аса қасиетті де абыройлы кәсіп. Сіздер күн сайын кәсібилік пен жанашырлықтың, жауапкершілік пен адалдықтың үлгісін көрсетіп келесіздер. Қоғам игілігі жолындағы ерен еңбектеріңіз үшін шынайы ризашылығымды білдіремін. Баршаңызға зор денсаулық, отбасыларыңызға амандық, еңбектеріңізге толағай табыс пен бақ-береке тілеймін», – деді полиция полковнигі Сейтмұрат Туляпов.

Шара барысында медицина қызметкерлерінің полиция жүйесіндегі профилактикалық жұмыстарды ұйымдастырудағы, қызметкерлердің денсаулығын нығайтудағы және сапалы медициналық көмек көрсетудегі еңбегі ерекше аталып өтті. Сондай-ақ олардың қызметтік міндеттерін жоғары жауапкершілікпен атқарып, денсаулық сақтау саласының дамуына қосып жүрген үлесі жоғары бағаланды.

Мерекелік жиынның салтанатты бөлімінде денсаулық сақтау саласын дамытуға, ішкі істер органдарының медициналық қызметін жетілдіруге және көп жылғы мінсіз еңбегі үшін бірқатар медицина қызметкерлері марапатталып, Алғыс хаттар мен ведомстволық марапаттарға ие болды. Бұл – олардың адал еңбегі мен кәсіби біліктілігіне көрсетілген лайықты құрметтің белгісі болды.

Іс-шара соңында қатысушылар медицина қызметкерлеріне деген ізгі тілектерін білдіріп, олардың қоғам саулығын қамтамасыз етудегі өлшеусіз еңбегі әрдайым жоғары бағаланатынын атап өтті. Ақ халатты абзал жандарға көрсетілген құрмет мерекелік жиынның мазмұнын айшықтап, олардың мәртебесін арттыра түсті.

Сообщение Ақ халатты абзал жандарға құрмет: Қызылорда облысы Полиция департаментінде медицина қызметкерлері марапатталды появились сначала на Азаттық ньюс.

ҚЫЗЫЛОРДАНЫҢ СОЛ ЖАҒАЛАУЫНДА 500 КЕЛУШІГЕ АРНАЛҒАН ЖАҢА ЕМХАНА ҚҰРЫЛЫСЫ БАСТАЛДЫ

Azattyq-news — Thu, 19 Feb 2026 17:07:17 +0000

Бүгін Қызылорда қаласынның сол жағалауында облыс әкімі Нұрлыбек Нәлібаев, Денсаулық сақтау министрі Ақмарал Әлназарова, Парламент Мәжілісінің депутаттары Мұрат Әбенов, Мархабат Жайымбетов, Мұрат Ергешбаев, құқық қорғау органдарының бірінші басшылары, мәслихат депутаттары және зиялы қауым өкілдері, ел ағаларының қатысуымен 500 келушіге арналған емхананың іргетасы қаланды.
Аймақ басшысы сол жағалауға қоныстанушылардың сұранысына сәйкес құрылысы басталған жаңа нысан тұрғындардың медициналық қызметке қолжетімділігін арттыратынын атап өтті.
«Сыр өңірінде Президентіміздің, Үкіметтің ерекше қолдауымен, жерлестеріміздің бекем бірлігінің арқасында байыпты бастамалар қолға алынып, жасампаз жобалар іске асырылуда. Денсаулық сақтау инфрақұрылымын одан әрі жетілдіру шаралары кешенді жүргізіліп келеді. 2022-2025 жылдары салаға 50 млрд. 100 млн. теңге қаржы бөлінді, 26 млрд. 400 млн. теңгеге 40 медицина нысаны салынып, пайдалануға берілді.
«Ауылда денсаулық сақтауды жаңғырту» ұлттық жобасы белгіленген жоспарға сәйкес толығымен орындалып, 10 млрд. 700 млн. теңгеге салынған 28 нысан халық игілігіне қызмет етуде.
Жаңадан бой көтеретін емхана да шипа іздеген жандарға жылулық сыйлайтын орынға айналсын! Рамазан айы баршамызға құтты болсын! Оразаларыңыз қабыл болсын!», – деді Нұрлыбек Нәлібаев.
Рәсімде Ақмарал Шәріпбайқызы, Мұрат Нәлқожаұлы құттықтау сөз сөйлеп, Қазақстанның еңбек сіңірген дәрігері Асылбек Тоқмырзаұлы бата берді.
Айта кетейік, сол жағалауда бой көтеретін 500 орындық емхана тұрғындарға амбулаториялық-емханалық, диагностикалық және күндізгі стационарлық медициналық қызмет көрсететін көпсалалы мекеме болады. Мұнда жалпы және акушерлік-гинекологиялық тіркеу, педиатрия, мамандандырылған және шұғыл медициналық көмек, профилактика және мектеп медицинасы бөлімдері қарастырылған.
Сонымен қатар, нысан 50 төсектік күндізгі стационар, дәрілік қамтамасыз ету бөлімі, орталық стерилизация, кір жуу орны, медициналық қалдықтарды сақтау, оқу кабинеттері, 50 орындық аудитория, 200 орындық конференц-зал және инженерлік-техникалық инфрақұрылыммен толық қамтамасыз етіледі.

Сообщение ҚЫЗЫЛОРДАНЫҢ СОЛ ЖАҒАЛАУЫНДА 500 КЕЛУШІГЕ АРНАЛҒАН ЖАҢА ЕМХАНА ҚҰРЫЛЫСЫ БАСТАЛДЫ появились сначала на Азаттық ньюс.

ҚЫЗЫЛОРДА ҚАЛАСЫНЫҢ ШЕТ АЙМАҒЫНДА 400 ОРЫНДЫҚ ЖАҢА ЕМХАНАНЫҢ ІРГЕТАСЫ ҚАЛАНДЫ

Azattyq-news — Thu, 19 Feb 2026 17:01:10 +0000

Бүгін облыс әкімі Нұрлыбек Нәлібаев, Денсаулық сақтау министрі Ақмарал Әлназарова, Парламент Мәжілісінің депутаттары Мұрат Әбенов, Мархабат Жайымбетов, Мұрат Ергешбаев, құқық қорғау органдарының бірінші басшылары, мәслихат депутаттары, зиялы қауым өкілдері, ел ағаларының арнайы қатысуымен Титов қыстағындағы 400 орындық жаңа емхананың іргетасын қалау рәсімі өтті.
Аймақ басшысы жиналған жұртшылықты жаңа нысан құрылысының басталуымен құттықтап, денсаулық саласындағы атқарылған жұмыстарды атап өтті.
«Мемлекеттің ең басты байлығы – адам, адамдағы байлықтың негізісі – денсаулық. Деннің саулығы – мемлекеттің дамуы мен өркендеуінің арқауы.
Президентіміздің әлеуметтік саясаттағы басым бағыттарының бірі де – халыққа қолжетімді әрі сапалы медициналық қызмет ұсыну. Бүгін біз Қызылорда қаласы үшін, соның ішінде Титов мөлтек ауданының 40 мыңнан астам тұрғындары үшін аса маңызды, тарихи сәттің басында тұрмыз.
Ауысымына 400 келушіге арналған №5 қалалық емхананың жаңа ғимаратының іргетасын қалау рәсіміне куә болуға жиналдық. Жалпы 9 млрд. 823 млн. теңгеге салынатын жаңа емхана ғимаратының аумағы 9 мың шаршы метр, заманауи талаптарға сай жоғары сапалы технологиялармен жабдықталады.
Бұл – ана мен бала өмірін сақтауға, қазыналы қарттарымыздың денсаулығын жақсартуға бағытталған мемлекет қолдауы. Алдағы уақытта да өңір халқының өмір сапасын арттыруға арналған кешенді жұмыстар жалғасады», – деді Н.Нәлібаев.
Іс-шарада Ақмарал Шәріпбайқызы, Мархабат Жайымбетұлы құттықтау сөз алып, Қызылорда облысының құрметті азаматы Тұрғанбай Маханұлы бата берді.
Айта кетейік, 2022-2025 жылдары өңірде 26 млрд 400 млн. теңгеге 40 медициналық нысан салынып, пайдалануға берілген. «Ауылда денсаулық сақтауды жаңғырту» ұлттық жобасымен 10 млрд 700 млн. теңгеге бой көтерген 28 нысан бүгінде халық игілігіне айналды. Сонымен қатар, ауыл тұрғындарына шұғыл медициналық көмек көрсету үшін 9 млрд 900 млн. теңгеге 6 жоба іске асырылды.
Арал, Қазалы, Шиелі, Жаңақорған аудандық көпбейінді ауруханалары жанынан қосымша құрылыстар, Шиелі мен Арал ауданындағы жұқпалы аурулар бөлімшелеріне арнап жаңа ғимараттар салынды.
Жергілікті бюджет есебінен Жаңақорған ауданындағы Төменарық ауылында 15 төсектік ауылдық аурухана мен амбулатория, Арал ауданының Сексеуіл кентінде 40 төсектік ауылдық аурухана, облыстық қан орталығы пайдалануға берілді.

Сообщение ҚЫЗЫЛОРДА ҚАЛАСЫНЫҢ ШЕТ АЙМАҒЫНДА 400 ОРЫНДЫҚ ЖАҢА ЕМХАНАНЫҢ ІРГЕТАСЫ ҚАЛАНДЫ появились сначала на Азаттық ньюс.

ДЕНСАУЛЫҚ САҚТАУ МИНИСТРІ «ҚАМҚОРЛЫҚ» ЕРТЕ АРАЛАСУ ОРТАЛЫҒЫНЫҢ ЖҰМЫСЫМЕН ТАНЫСТЫ

Azattyq-news — Thu, 19 Feb 2026 16:58:22 +0000

Бүгін ҚР Денсаулық сақтау министрі Ақмарал Әлназарова, Парламент Мәжілісінің депутаттары Мархабат Жайымбетов, Мұрат Ергешбаев, облыс әкімінің бірінші орынбасары Данияр Жаналинов «Қамқорлық» ерте араласу орталығының және жұқпалы аурулар ауруханасының жұмысымен танысты.
Аймақта жыл сайын шамамен 20 мың нәресте дүниеге келеді, ал 18 жасқа дейінгі балалар саны 322 мыңға жетеді. Балаларды оңалту қызметінің қолжетімділігін арттыру мақсатында 2022 жылы «Қамқорлық» орталығы ашылған болатын. Оған жергілікті бюджеттен 205,6 млн теңге бөлінді, ал «Самұрық-Қазына» АҚ және «Қамқорлық» қорынан қаралған 103,4 млн теңгеге құрал-жабдықтар алынып, мамандар біліктілігін арттырды.
Орталық ашылған төрт жыл ішінде 6 000-ға жуық бала оңалту қызметін алды. Қозғалу, сөйлеу дағдыларын дамытып, әлеуметтік бейімделудің маңызды кезеңдерін сәтті аяқтады. Мұнда балаларға медициналық және педагогикалық көмек көрсетіледі. Атап айтқанда, медициналық оңалту, емдік дене шынықтыру, физиотерапия, логопедиялық және дефектологиялық қолдау, сондай-ақ еңбек терапиясы.
Облыстық жұқпалы аурулар ауруханасы 2024 жылы кешенді күрделі жөндеуден өтіп, өткен жылдың соңында толықтай пайдалануға берілді. Күрделі жөндеуге жергілікті бюджеттен 1,6 млрд теңге қаралды. Бүгінде жаңартылған бөлімшелер пациенттер мен медицина қызметкерлерінің жоғары бағасын алуда. Соңғы үш жылда аурухананың материалдық-техникалық базасын нығайтуға 590 840 153 теңге қаржы бөлінген, 49 млн теңгеге 2 автокөлік сатып алынды.
Өткен жылы клиникалық фармакология және госпитальдық фармация бөлімшесі ашылып, заманауи құрал-жабдықтармен қамтамасыз етілді. Алдағы уақытта физиотерапиялық емдеу бөлімшесін іске қосу және медицина қызметкерлерінің шетелде біліктілігін арттыру жоспарланған.

Сообщение ДЕНСАУЛЫҚ САҚТАУ МИНИСТРІ «ҚАМҚОРЛЫҚ» ЕРТЕ АРАЛАСУ ОРТАЛЫҒЫНЫҢ ЖҰМЫСЫМЕН ТАНЫСТЫ появились сначала на Азаттық ньюс.

ҚЫЗЫЛОРДАДАҒЫ КӨПБЕЙІНДІ АУРУХАНА ЖЫЛ СОҢЫНА ДЕЙІН ПАЙДАЛАНУҒА БЕРІЛЕДІ

Azattyq-news — Thu, 19 Feb 2026 16:54:51 +0000

Бүгін облыс әкімі Нұрлыбек Нәлібаев, Денсаулық сақтау министрі Ақмарал Әлназарова, Парламент Мәжілісінің депутаттары Мұрат Әбенов, Мархабат Жайымбетов, Мұрат Ергешбаев бір ауысымда 100 келушіні қабылдайтын емханасы бар 300 төсектік көпбейінді аурухананың (онкологиялық бөлімшесімен) құрылыс алаңына барып, жұмыс барысымен танысты.
Облыс тұрғындары үшін аса маңызды әлеуметтік нысан Мемлекет басшысының тапсырмасымен салынуда. Аурухана заманауи техникалық шешімдерді ескеріп жобаланған, ең озық технологиямен қамтамасыз етіледі. Диагностика және емдеу бойынша заманауи стандарттарға сай келетін жоғары технологиялық инновациялар енгізіледі, бұл медициналық көмектің сапасы мен қолжетімділігін арттырады. Осылайша Қызылордада шетелдік клиникалардан еш кем түспейтін заманауи медициналық кешен пайда болады.
«Мелиоратор» серіктестігі қолға алған жобаға 36 млрд 416 млн теңге қаржы қаралған. Бұл – аймақтағы халықаралық стандарттарға сай, ең ауқымды жобалардың бірі. Аумағы 57 мың шаршы метр, 7 гектар жерге орналасқан. Нысан 10 блоктан тұрады: емхана, пансионат, конференц-зал, асхана, физиотерапия, қабылдау бөлімі, әкімшілік, реанимация, химиотерапия және радиотерапия, операциялық бөлім.
Құрылысы екі жыл бұрын басталған ғимаратты салу барысында осы уақытқа дейін 21 млрд. теңге қаражат игеріліп, жұмыстың 70 пайызы еңсерілді. Қалған 16 млрд. теңге осы жылы республикалық және облыстық бюджеттен бөлінген. Қазіргі таңда бетон жұмыстары толық біткен, ал кірпіш қалау аяқталып қалды.
Жақын арада құрылысшылар терезесін салып, қасбетін бастайды. Сонымен қатар, жылу құбырлары орнатылып, қажетті тораптарға қосылуда. Электр желісі тартылып, тарату нүктелері дайындалды. Құрылыс кестеге сәйкес жүргізілуде. Жоспар бойынша күшейтілген жұмыс режиміне көшіп, жыл соңына дейін құрал-жабдықтарын орнатып, пайдалануға береді.
Бүгінде құрылыс басында 200-ге жуық адам, 15 техника бар. Газоблог, инженерлік жүйелерге қажетті материалдар жеткілікті.
Айта кетейік, Мемлекет басшысының тапсырмасына сәйкес 12 облыста заманауи перинаталдық орталықтар салу көзделген. Бүгін Қызылорда қаласында халықаралық тәжірибе мен озық медициналық технологиялар енгізілетін 200 төсектік перинаталдық орталықтың іргетасы қаланды. Нысанға 2,7 гектар жер телімі бөлініп, 48,8 млрд теңге қаражат қаралған.

Сообщение ҚЫЗЫЛОРДАДАҒЫ КӨПБЕЙІНДІ АУРУХАНА ЖЫЛ СОҢЫНА ДЕЙІН ПАЙДАЛАНУҒА БЕРІЛЕДІ появились сначала на Азаттық ньюс.

Шиелі ауданында денсаулық сақтау саласы жаңа деңгейге көтерілуде

ModeratorKzo — Thu, 28 Aug 2025 15:49:00 +0000

Шиелі ауданында денсаулық сақтау саласы жаңа деңгейге көтерілуде

Қазақстан Республикасының Денсаулық сақтау вице-министрі Ардақ Амангелдиев ауданға жұмыс сапарымен келіп, жаңадан пайдалануға берілген 30 төсектік жұқпалы аурулар бөлімшесінің жұмысымен танысты, деп хабарлайды «Азаттық-Ньюс» Ақпараттық агенттігі.

Аталған медициналық нысан мемлекетке қайтарылған активтер аясында салынды. Жалпы құны 2 млрд 323 млн теңгені құрайтын бұл бөлімше заманауи талаптарға сай жабдықталып, қазіргі таңда тұрғындарға сапалы медициналық қызмет көрсетуде.

Сонымен қатар, ауданда денсаулық сақтау саласында басқа да ауқымды жобалар жүзеге асырылуда. Шиелі ауданаралық ауруханасы жанынан МРТ құрылғысына арналған қосымша корпус салынды. Үкіметтің резервтік қорынан бөлінген 733,2 млн теңгеге құрылыс жұмыстары толық аяқталды. Ендігі кезекте құны 650 млн теңгені құрайтын жаңа МРТ аппараты орнатылмақ. Осылайша, Шиелі халқына алыс қалаларға бармай-ақ, өз ауданында жоғары технологиялық диагностикадан өтуге жағдай жасалады.

Бұдан бөлек, Шиелі кентіндегі «Болашақ» дәрігерлік амбулаториясы күрделі жөндеуден өтті.

Бұл жобалар аудан тұрғындарының денсаулығын жақсартуға, медициналық қызметтердің қолжетімділігін арттыруға бағытталған.

Қазақстан Республикасының Денсаулық сақтау вице-министрі Ардақ Амангелдиев аудандағы денсаулық сақтау нысандарына жоғары баға беріп, мемлекеттік қолдау арқылы салынған жобалар тұрғындардың өмір сапасын жақсартуға бағытталғанын атап өтті.

Басқа да жаңалықтарды оқи отырыңыз.

Қаралған саны: 195

Бөлісу:

АЙДАРЛАР

Басқа да мақалалар

Сообщение Шиелі ауданында денсаулық сақтау саласы жаңа деңгейге көтерілуде появились сначала на Азаттық ньюс.

Шиелі ауданында жұқпалы аурулар бөлімшесі жұмысын бастады

ModeratorKzo — Wed, 27 Aug 2025 15:38:00 +0000

Шиелі ауданында жұқпалы аурулар бөлімшесі жұмысын бастады

Бүгін облыс әкімі Нұрлыбек Нәлібаевтың қатысуымен Қазақстан Республикасының Конституция күніне орай Шиелі ауданында 30 төсектік жұқпалы аурулар бөлімшесі ғимаратының ашылу рәсімі өтті, деп хабарлайды «Азаттық-Ньюс» Ақпараттық агенттігі.

Жиынға Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мұрат Әбенов, Мұрат Ергешбаев, облыс прокуроры Ризабек Ожаров және зиялы қауым өкілдері қатысты.

Аймақ басшысы жаңа нысанның аудан жұртшылығына сапалы медициналық көмек көрсетудегі жетекші бөлімшеге айналуына тілектестігін білдірді.

«Баршаңызды еліміз үшін айтулы мереке алдағы Конституция күнімен құттықтаймын!

Соңғы үш жылда облыстың денсаулық сақтау саласына 441 млрд. 700 млн. теңге қаржы бөлініп, халықтың сұранысына сәйкес түйткілді мәселелер шешімін тауып келеді.

Президентіміздің бастамасымен қолға алынған «Ауылда денсаулық сақтауды жаңғырту» ұлттық жобасы аясында барлық ауданда 28 медициналық нысан салынды. Оның 8-і Шиелі ауданында.

Саланы дамытуға бюджеттен тыс ресурстар да тартылған. Біз «Қазақстан халқына» қоғамдық қорымен тұрақты әріптестік байланыстамыз. Қор соңғы екі жылда өңірдің денсаулық сақтау саласына 5 млрд. теңгеге жуық қаржы бағыттады. Бұл қаржыға сирек кездесетін дертке шалдыққан жерлестерімізге қажетті дәрі-дәрмек сатып алынды. Облыстық онкология орталығына құны 1 млрд. 100 млн. теңге тұратын, республика бойынша 3 облыста ғана бар скрининг жүргізуге арналған жылжымалы медициналық кешен табыстады. Кешен бүгінде шалғай елді мекендердегі тұрғындарға үздіксіз қызмет етеді.

Пайдаланылмай бос тұрған ғимараттарды қайта жаңғыртып, денсаулық сақтау саласының қажеттілігіне тиімді пайдалануға бағытталған жұмыс қарқынды жүргізілуде. Былтыр Жаңақорған ауданында бос тұрған бұрынғы аудандық аурухана ғимараты қайта жаңғыртылып, «Қамқорлық» балаларды оңалту орталығы ашылды. Бұған жергілікті бюджеттен 378 млн. теңге жұмсалды. Күні кеше дәл осындай орталық Арал ауданында да жұмысын бастады. Бұл мақсатқа облыстық бюджеттен 338 млн. 800 мың теңге бөлініп, ғимарат қайта жаңғыртылды. Қор қажетті заманауи құрал-жабдықтарға 350 млн. теңге бөлді. Орталықта жылына 600-ге жуық баланы оңалтуға мүмкіндік бар.

Осындай игі істің жалғасы ретінде құны 2 млрд. 323 млн. теңге болатын 30 төсектік жұқпалы аурулар бөлімшесінің жаңа ғимаратын салтанатты түрде ашуға бас қостық.

Қазір аудандық аурухана жанынан 733 млн. теңгеге қосымша ғимарат салынып, онда 650 млн. теңгенің жаңа МРТ аппараты орнатылуда.

Шиелі кентіндегі «Болашақ» дәрігерлік амбулаториясы күрделі жөндеуден өтті.

Заманауи талаптарға сай жабдықталған бұл нысандар тұрғындарға сапалы медициналық көмек көрсетуге, халықтың тұрмыс сапасын арттыруға зор мүмкіндік береді.

Алдағы уақытта халық денсаулығын жақсартуға бағытталған жобаларды қолдау, медицина саласындағы ең маңызды мәселелерді шешу жалғасын таба бермек», — деді Н.Нәлібаев.

Рәсімде Наурызбай Байқадамов, Мұрат Ергешбаев, Ризабек Ожаров сөз сөйлеп, ауданның әлеуметтік-экономикалық дамуына үлес қосқан азаматтар мен құрылысшылар аймақтың Қызылорда облысының Құрмет грамотасымен және облыс әкімінің Алғыс хатымен марапатталды. Денсаулық сақтау саласының ардагері, Шиелі ауданының құрметті азаматы Ыбырай Ахметов бата берді.

Жұмыс сапары кезінде аймақ басшысы аудандық аурухананың қосымша ғимаратына, күрделі жөндеуден өткен «Болашақ» дәрігерлік амбулаториясына барды. Аудандық аурухананың 2 қабатты ғимаратының құрылысы өткен жылдың қыркүйек айында басталып, биыл шілдеде пайдалануға берілді. Ал амбулаторияның күрделі жөндеу жұмыстары 3 ай жүргізілді.

Еске салайық, облыс орталығында емханасы мен онкологиялық бөлімшесі бар 300 орындық көпбейінді аурухана құрылысы қарқынды жүргізілуде.

Жыл басында Жаңақорған ауданы Төменарық ауылында дәрігерлік амбулаториясымен қоса 15 төсектік ауылдық аурухана, Арал ауданы Сексеуіл кентінде 40 төсек-орынға арналған аурухана пайдалануға берілді.

«Ауыл – ел бесігі» бағдарламасымен Қызылорда қаласының Баймұрат батыр елді мекенінде дәрігерлік амбулатория, Досан елді мекенінде медициналық бекет ел игілігіне табысталды.

Осылайша ауылдардағы медициналық- санитариялық алғашқы көмек көрсету ұйымдары ғимараттарын нормативке сәйкес етіп салу мәселесі толығымен шешілді.

Қайтарылған активтер есебінен 7 млрд. теңгеге 4 аудандағы орталық ауруханалар жанынан жаңа ғимараттар салынуда.

Ана мен бала өмірін қорғау мақсатында көпбейінді облыстық аурухана базасында жаңа МРТ аппараты іске қосылып, 70 орындық перинаталдық бөлім ашылды.

Өткен жылдан бері 17 медициналық нысан күрделі жөндеуден өткізіліп, 44 ғимараттың жылу жүйесі газға ауыстырылды. Биыл да медициналық құрал-жабдықтар сатып алынуда. Бұл жұмыстың жыл сайын жүргізілгенінің арқасында жабдықталу деңгейі 2022 жылы 83,2 пайыз болса, бүгінде бұл көрсеткіш 87,4 пайызға артты.

Жергілікті бюджеттен 225 жаңа санитарлық автокөлік бір мезетте алынып, елді мекендердегі барлық денсаулық сақтау ұйымына табысталды. Осылайша санитарлық автокөлікпен қамту мәселесі толық шешімін тапты.

Басқа да жаңалықтарды оқи отырыңыз.

Қаралған саны: 184

Бөлісу:

АЙДАРЛАР

Басқа да мақалалар

Сообщение Шиелі ауданында жұқпалы аурулар бөлімшесі жұмысын бастады появились сначала на Азаттық ньюс.

Астанада пышақ жарақатын алған жасөспірім балалар алаңынан табылған

ModeratorKzo — Mon, 23 Jun 2025 14:38:20 +0000

Астанада пышақ жарақатын алған жасөспірім балалар алаңынан табылған

Астанада пышақ жарақатын алған жасөспірім балалар алаңынан табылды, деп хабарлайды «Азаттық-Ньюс» Ақпараттық агенттігі.

Бүгін Астанада тұрғын үй кешендерінің бірінде жас қыз пышақ жарақатынан қаза тауып, оның кәмелетке толмаған інісі де ауыр жағдайда ауруханаға жеткізілді.

Ведомствоның баспасөз қызметінің мәліметінше, 2009 жылы туған жасөспірім арқасынан пышақ жарақатын алып, жедел жәрдем қызметімен №2 көпсалалы қалалық ауруханаға жеткізілді. Қазіргі таңда ол жедел хирургия бөлімінде жатыр, жағдайы ауыр.

Оқиғаға қатысты көршілердің айтуынша, пәтерден қатты дауыс естіліп, кейін сол пәтерден пышақталған жас қыздың денесі табылған. Күдікті оқиғадан соң жолында кездескен адамдарға пышақпен шабуыл жасап, марқұмның інісін де жаралаған. Пышақ жарақатын алған жасөспірім балалар алаңынан табылған.

Қазіргі уақытта құқық қорғау органдары оқиғаның мән-жайын анықтап, тергеу амалдарын жүргізуде.

Басқа да жаңалықтарды оқи отырыңыз.

Қаралған саны: 199

Бөлісу:

АЙДАРЛАР

Басқа да мақалалар

Сообщение Астанада пышақ жарақатын алған жасөспірім балалар алаңынан табылған появились сначала на Азаттық ньюс.

1,2 миллион ауыл тұрғыны медициналық көмек алды

ModeratorKzo — Mon, 13 Jan 2025 11:32:56 +0000

1,2 миллион ауыл тұрғыны медициналық көмек алды

1,2 миллион ауыл тұрғыны жылжымалы кешендерді медициналық көмек алды, деп хабарлайды «Азаттық-Ньюс» Ақпараттық агенттігі.

Мемлекет басшысының тапсырмалары шеңберінде Қазақстан Республикасы Денсаулық сақтау министрлігі ауылдық жерлерде медициналық көмектің сапасы мен қолжетімділігін жақсарту жөніндегі кең ауқымды шараларды іске асыруда.
Көлік медицинасы — тұрғындарға медициналық көмектің қолжетімділігін арттырудың қарқынды дамып келе жатқан бағыты.

Еліміздің шалғай аудандарының тұрғындары үшін медициналық қызметтердің қолжетімділігін арттыру мақсатында жылжымалы медициналық кешендер (ЖМК) де белсенді жұмыс істеуде.
2024 жылы 3072 елді мекеннің 1,2 млн тұрғыны «дөңгелектегі емханалардың» көмегімен дәрігерлердің кконсультациялары мен диагностикалық ем-шараларға қол жеткізді.
Жылжымалы кешендердің көмегімен бейінді мамандар 1,2 млн. консультация, 656 мың диагностикалық, 333 мың зертханалық зерттеу жүргізді.

Зерттеп қарау нәтижесінде әртүрлі аурулары бар 95 мың пациент анықталды, оның 78,3%-ы ересектер, 21,7%-ы балалар. Кәсіптік тексеру қорытындысы бойынша 33,7 мың ауыл тұрғыны диспансерлік бақылауға алынды.

2024 жылы «Саламатты Қазақстан» медициналық пойызы 128 станцияның 104 мың тұрғынын, оның ішінде 21 000 баланы қамтыды, бұл өткен жылмен салыстырғанда 20%-ға артық.

Медициналық пойыздың мамандары 240 000 медициналық қызмет көрсетті, оның ішінде 12 500 стоматологиялық ем-шара, 25 000 зертханалық зерттеу, 8 000 шағын хирургиялық операция және 24 000 аспаптық және диагностикалық зерттеу жүргізді.

Қарап-тексеру барысында түрлі аурулары бар 5 500 пациент анықталып, оларға қажетті көмек көрсетілді.

«Ауылдық денсаулық сақтауды жаңғырту» ұлттық жобасының шеңберінде ауылдық аудандарда медициналық инфрақұрылымды жүйелі жаңарту жалғасуда.

2024 жылы 460 нысанның құрылысы аяқталды, тағы 195 МСАК нысаны 2025 жылы тапсырылады.
Жаңа ауылдық дәрігерлік амбулаторияларда және фельдшерлік-акушерлік пункттерде алғаш рет күндізгі стационарлар, амбулаториялық оңалту үшін физиотерапия кабинеттері, ауданнан тыс жерлерге бармай зерттеп-қараудан өту мүмкіндігімен зертханалық кабинеттер пайда болды.

Жабдықталған телемедициналық кабинеттерде ауылдық пациенттер облыстық және республикалық клиникалардың жетекші дәрігерлерінен қашықтықтан консультация ала алады. Телемедицина қызметтері бір жылда 2 есеге ұлғайтылды.

Ауыл тұрғындарына жоғары технологиялық медициналық көмектің қолжетімділігі үшін 2025 жылы 32 аудандық аурухананы жаңғырту жалғасады, олардың базасында ангиографтармен, КТ, МРТ жабдықталған кардиологиялық орталықтар, травматология, реанимация, хирургия бөлімшелері ашылады.

Бұл шаралар «алтын сағат» қағидатын сақтай отырып, инфаркт, инсульт, жарақат және басқа да жағдайлар кезінде ауыл тұрғындарына шұғыл медициналық көмек көрсетуді қамтамасыз етеді, бұл осы аурулардан болатын өлімді 20%-ға төмендетуге мүмкіндік береді.

Ауылдық жерлерге медициналық кадрларды тарту бойынша жаңалықтар: ауылдағы жұмысқа орналасуды таңдайтын тапшылығы жоғары бейіндер бойынша жас дәрігерлер қосымша қаржылық ынталандырулар, тұрғын үйге жеңілдікті кредиттер және кәсіби өсу үшін мүмкіндіктер алады.

Бүгінгі таңда өңірлерге медициналық жоғары оқу орындарының 4148 түлегі жіберілді, оның ішінде ауылдық елді мекендерге 1233 дәрігер бөлінді.
Барлығы 544 түлек әлеуметтік қолдау алды. Еліміздің өңірлерінде алғаш рет ауылдағы 89 дәрігер, оның ішінде акушер-гинекологтар, анестезиологтар-реаниматологтар, хирургтар 100 ЕТЖ немесе 8,5 млн теңге мөлшерінде біржолғы төлемдермен қамтамасыз етілді.

Ауылдық денсаулық сақтауды жақсарту жөніндегі кешенді тәсілдің нәтижесінде Қазақстанда соңғы 5 жылда сырқаттанушылық көрсеткіші 12,9%-ға, оның ішінде қала халқында 15,1%-ға және ауыл халқында 9,3%-ға төмендеді.

Ана мен бала денсаулығын сақтау саласындағы жоғары технологиялық медицина бойынша бірқатар жобалар бүкіл ел бойынша ауқымды.
«Бір күндік клиникалар» жобасы жүкті әйелдерді пренаталдық диагностикалаудың инновациялық әдістерінің қолжетімділігін және туа біткен ақаулары мен хромосомалық патологиясы бар баланың туу қаупін уақтылы анықтауды, «бір терезе» қағидаты бойынша қызметтердің жоғары сапасын, 1 күннің ішінде зерттеудің жылдам және дәл нәтижелерін алуды қамтамасыз етеді.
Қазақстанда алғаш рет «Феталдық медицинасы» жобасы іске қосылып, 20 жатырішілік операция сәтті жүргізілді.

Бұл технологиялар ұрықтың ерте патологиялық жағдайларын аз инвазивті емшаралар арқылы түзетуге және емдеуге арналған. Олар балалардың арасында мүгедектіктің алдын алу мақсатында ауыл тұрғындарына қолжетімді болады.
Ауылдар мен қалалардың тұрғындары үшін денсаулық сақтауда тең жағдай жасау ұлттық жобаның негізгі векторы болып табылады.

Басқа да жаңалықтарды оқи отырыңыз.

Қаралған саны: 254

Бөлісу:

АЙДАРЛАР

Басқа да мақалалар

Сообщение 1,2 миллион ауыл тұрғыны медициналық көмек алды появились сначала на Азаттық ньюс.

Шиелі ауданында ұлттық жоба аясында 2 дәрігерлік амбулатория ашылды

ModeratorKzo — Sat, 04 Jan 2025 08:43:03 +0000

Шиеліде ұлттық жоба аясында 2 дәрігерлік амбулатория ашылды

Шиеліде ұлттық жоба аясында 2 дәрігерлік амбулатория ашылды, деп хабарлайды «Азаттық-Ньюс» Ақпараттық агенттігі.

Қызылорда облысының әкімі Нұрлыбек Нәлібаевтың қатысуымен Шиелі ауданының «Бестам», Ә.Тәжібаев ауылдарында дәрігерлік амбулатория ашылды.

Медициналық мекемелер «Ауылдық денсаулық сақтауды жаңғырту» ұлттық жобасымен салынған.

Рәсімге Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мархабат Жайымбетов, Мұрат Әбенов, жауапты сала басшылары, қоғам қайраткерлері мен ауыл тұрғындары қатысты.

Аймақ басшысы жиналған қауымды Жаңа жылмен құттықтап, өңірдің әлеуметтік-экономикалық дамуындағы, құрылыс саласындағы жетістіктерге тоқталды.

«Президентіміздің, Үкіметтің ерекше қолдауының арқасында қазіргі таңда аймағымыз байыпты бастамалар мен жасампаз жобалардың ордасына айналды.

Өткен жылдың қорытындысымен барлық негізгі макроэкономикалық көрсеткіштер бойынша республикада алдыңғы қатардан көріндік.

Облысымыздың бюджеті 750 млрд. теңгеден асты, осыдан екі жарым жыл бұрын 364 млрд. теңге болатын. Өсім 206 пайызды құрады.

Бұл ауқымды қаражат тұрғындар көтерген ең өзекті мәселелерді шешуге, халықтың өмір сүру сапасын арттыруға, ауқымды инфрақұрылымдық жобаларды жүзеге асыруға бағытталды.

Президентіміз Қасым-Жомарт Кемелұлы «Еліміздің басты құндылығы – адам. Бұл – айқын нәрсе. Ұлт саулығы жақсы болса ғана, қоғам орнықты дамиды.

Медициналық инфрақұрылымды кешенді түрде жақсартуға баса назар аудару керек» деп атап өтіп, бірқатар маңызды міндет жүктеді.

Өткен жылы облыстың денсаулық сақтау саласының бюджеті 146 млрд. 200 млн. теңгеге жетті. Ұлттық жоба аясында барлық ауданда 10 млрд. 200 млн. теңгеге 27 медициналық нысан салынды.

Оның ішінде, Шиелі ауданында 3 дәрігерлік амбулатория Досбол би, Бала би, «Бұланбай бауы» ауылдарында бой көтерді.

Тәуелсіздік күні дәрігерлік амбулаториялар «Тартоғай» және «Алмалы» елді мекендерінде ел игілігіне табысталса, бүгін «Ортақшыл», Әбділда Тәжібаев, «Бестам» ауылдарында пайдалануға береміз.

Жаңа ғимаратта ауыл тұрғындары сапалы әрі уақытылы бастапқы медициналық қызмет алады деп сенеміз. Егемен еліміздің еңсесі биік, Тәуелсіздігіміз тұғырлы болғай! Жаңа 2025 жыл құтты болсын!»,- деді Нұрлыбек Машбекұлы.

Іске қосылған дәрігерлік амбулаториялар құрылысын «Бақ-Береке» ЖШС сапалы әрі сәулетті етіп салған.

Жиында облыстық ардагерлер кеңесінің төрағасы Серік Дүйсенбаев сөз сөйлеп, жиналған жұртшылықты құттықтады.

Қызылорда облысының Құрметті азаматы Дайрабай Ысқақов бата беріп, ауданның өсіп-өркендеуі жолында еңбек еткен ардагерлер мен ауылға сән берген әсем ғимараттарды салған құрылысшылар облыс әкімінің Алғыс хатымен марапатталды.

Басқа да жаңалықтарды оқи отырыңыз.

Қаралған саны: 285

Бөлісу:

АЙДАРЛАР

Басқа да мақалалар

Сообщение Шиелі ауданында ұлттық жоба аясында 2 дәрігерлік амбулатория ашылды появились сначала на Азаттық ньюс.