Мамандардың айтуынша, мұндай оқиғалардың басым бөлігі ересектердің бір сәтке болса да балаларды қараусыз қалдыруынан немесе қауіпсіздік талаптарының сақталмауынан орын алады. Көп жағдайда балалар терезе алдына қойылған жиһазға шығып, москиттік торға сүйеніп, оның берік екеніне сеніп қалады. Алайда москиттік тор тек жәндіктерден қорғайды және баланың салмағын көтеруге арналмаған.

Полиция қызметкерлері ата-аналарға ең алдымен пәтерлер мен үйлердің терезелеріне арнайы балалар қауіпсіздігіне арналған құлыптар немесе шектеуіш құрылғылар орнатуға кеңес береді. Сондай-ақ терезелерге қорғаныш торларын орнату да қауіпсіздікті арттырудың тиімді тәсілдерінің бірі болып саналады.

Бұдан бөлек, балалармен тұрақты түрде түсіндіру жұмыстарын жүргізудің маңызы зор. Балаға терезеге шығудың, терезе алдына ойнаудың немесе оған сүйенудің өмірге қауіпті екенін ерте жастан түсіндіру қажет. Сонымен қатар терезе маңына орындық, үстел, кереует немесе баланың терезеге оңай көтерілуіне мүмкіндік беретін басқа да жиһаздарды қоймаған дұрыс.

Полиция мамандары балаларды ешқашан қараусыз қалдырмауға шақырады. Әсіресе кішкентай балаларды үйде жалғыз қалдыру немесе басқа бөлмеде ұзақ уақыт бақылаусыз қалдыру қайғылы жағдайларға әкелуі мүмкін. Сондықтан ата-аналардың қырағылығы мен жауапкершілігі – баланың қауіпсіздігін қамтамасыз етудегі ең басты фактор.

Құқық қорғау органдары әрбір ата-ана мен тұрғынды қауіпсіздік талаптарын сақтауға шақырады. Себебі қарапайым ғана алдын алу шаралары орны толмас қайғының алдын алып, балалардың өмірі мен денсаулығын сақтап қалуға мүмкіндік береді.

Полицияның негізгі кеңестері:

Терезелерге арнайы балалар қауіпсіздігіне арналған құлыптар немесе қорғаныш құрылғыларын орнатыңыз.

Москиттік тордың баланы құлаудан қорғамайтынын ұмытпаңыз.

Терезе маңына бала көтеріле алатын жиһаздар мен заттарды қоймаңыз.

Балаларға терезенің қауіпті екенін үнемі түсіндіріп отырыңыз.

Кішкентай балаларды ешқашан қараусыз қалдырмаңыз.

Баланың қауіпсіздігі – әрбір отбасының ортақ міндеті. Қарапайым сақтық шараларын сақтау арқылы көптеген қайғылы жағдайлардың алдын алуға болады.

Сообщение БАЛАНЫҢ ҚАУІПСІЗДІГІ – ӘРБІР АТА-АНАНЫҢ ЖАУАПКЕРШІЛІГІ: ТЕРЕЗЕДЕН ҚҰЛАУДЫҢ АЛДЫН АЛУ ЖОЛДАРЫ появились сначала на Азаттық ньюс.

Бұл бағыттағы негізгі үйлестіруші құрылымдардың бірі – Қызылорда облысы полиция департаментінің Өзіндік қауіпсіздік басқармасы. Басқарма қызметінің басты мақсаты – полиция қызметкерлері арасында заң бұзушылықтарға жол бермеу, қызметтік тәртіптің сақталуын қамтамасыз ету, сыбайлас жемқорлық тәуекелдерін төмендету және азаматтардың құқықтары мен заңды мүдделерін қорғау.

Өзіндік қауіпсіздік басқармасы тарапынан жеке құрам арасында құқықтық түсіндіру жұмыстары, профилактикалық кездесулер, дәрістер мен семинарлар жүйелі түрде ұйымдастырылады. Қызметкерлерге сыбайлас жемқорлыққа қарсы заңнаманың талаптары, мемлекеттік қызметшілердің әдеп қағидалары және қызметтік тәртіпті бұзудың құқықтық салдары кеңінен түсіндіріледі. Сонымен қатар сыбайлас жемқорлыққа қарсы мәдениетті қалыптастыруға бағытталған бейнероликтер көрсетіліп, нақты мысалдар арқылы құқық бұзушылықтардың алдын алу шаралары жүргізіледі.

Қызмет барысында заңдылықтың сақталуына тұрақты бақылау жасалып, азаматтардан келіп түскен өтініштер мен шағымдар жан-жақты зерделенеді. Әрбір ақпарат заң талаптарына сәйкес тексеріліп, құқық бұзушылық белгілері анықталған жағдайда кінәлі тұлғаларға қатысты заң аясында тиісті шешімдер қабылданады. Бұл бағыттағы жұмыстар заң үстемдігін қамтамасыз етуге және қоғамның полицияға деген сенімін арттыруға бағытталған.

Сыбайлас жемқорлыққа қарсы іс-қимыл тек бақылау шараларымен шектелмейді. Басқарма тарапынан жемқорлық тәуекелдерін анықтау, олардың туындауына ықпал ететін себептер мен жағдайларды жою бойынша талдау жұмыстары да жүргізіледі. Қызметтік міндеттерді орындау барысында ашықтық, әділдік және жариялылық қағидаттарын сақтау – негізгі басымдықтардың бірі.

Сонымен қатар қазіргі таңда цифрлық технологияларды енгізу, мемлекеттік қызметтерді электрондық форматта көрсету және адам факторын барынша азайту арқылы сыбайлас жемқорлық тәуекелдерін төмендету бағытында кешенді шаралар іске асырылуда. Бұл өз кезегінде қызметтің ашықтығын арттырып, азаматтарға сапалы әрі қолжетімді қызмет көрсетуге мүмкіндік береді.

Қызылорда облысы полиция департаментінің Өзіндік қауіпсіздік басқармасы алдағы уақытта да қызметтік тәртіп пен заңдылықты қамтамасыз ету, сыбайлас жемқорлық құқық бұзушылықтарының алдын алу және құқық қорғау органдары қызметкерлерінің жоғары моральдық-әдептік қағидаттарды ұстануына бағытталған жұмыстарды жалғастыра береді.

Заңға құрмет пен адал қызмет – құқық қорғау органдары қызметінің басты өлшемі. Қоғам сенімін сақтау – әрбір полиция қызметкерінің қасиетті міндеті.

Сообщение Заңдылық пен тәртіп – полиция қызметінің басты қағидаты появились сначала на Азаттық ньюс.

Бір үйде ұйықтап жатқан 4 баланың қасында газ плитасы өртенді

Бір үйде ұйықтап жатқан 4 баланың қасында газ плитасы өртенді, деп хабарлайды «Азаттық-Ньюс» Ақпараттық агенттігі.

Бүгін Жезқазған қаласында Төтенше жағдайлар департаментінің құтқарушылары шұғыл әрекет етіп, түтінге толған пәтерден төрт бірдей баланы аман алып шықты. Оқиға балалардың ата-анасыз қалған сәтінде болған.

Алдын ала мәлімет бойынша, балалардың анасы емханаға анализ тапсыруға кеткен. Сол уақытта үйде 2 мен 13 жас аралығындағы төрт бала ұйықтап жатқан. Алайда күтпеген жағдай орын алып, балалардың бірі оянып, сенсорлы электр плитаны байқамай қосып жіберген.

Бала ойыншық салынған пластик ыдысты плитаның үстіне қойған. Қатты қызудан пластик еріп, қою түтін пәтер ішін түгел жайлаған. Түтіннің таралуын байқаған көршілер дереу құтқару қызметіне хабар берген.

Жедел жеткен төтенше жағдайлар қызметі балаларды қауіпсіз жерге шығарып үлгерді. Абырой болғанда, ешкім зардап шеккен жоқ. Балалар медициналық тексеруден өтті, денсаулықтарына қауіп төніп тұрған жоқ.

Төтенше жағдайлар департаменті ата-аналарға маңызды ескерту жасады:

«Кішкентай балаларды үйде жалғыз қалдырмаңыздар. Электр құралдарына сақтықпен қарау — қауіпсіздіктің басты шарты. Осындай жағдайлардан кейін өкініп қалмас үшін алдын ала қам жасаған жөн», – деді ведомство өкілдері.

Басқа да жаңалықтарды оқи отырыңыз.

Қаралған саны: 196

Бөлісу:

АЙДАРЛАР

Басқа да мақалалар

Сообщение Бір үйде ұйықтап жатқан 4 баланың қасында газ плитасы өртенді появились сначала на Азаттық ньюс.

Иран мен Израильде қалған қазақстандықтардың нақты саны белгілі болды

Иран мен Израильде қалған қазақстандықтардың нақты саны белгілі болды, деп хабарлайды «Азаттық-Ньюс» Ақпараттық агенттігі.

Қазақстанның Сыртқы істер министрлігінде өткен брифингте Иран мен Израильде жүрген қазақстандықтардың саны туралы толық мәлімет берілді. Министрліктің ресми өкілі Айбек Смадияровтың айтуынша, қазіргі таңда Ираннан 230, ал Израильден 66 қазақстандық эвакуацияланған.

Сондай-ақ, Иранда Қазақстан азаматтығын иеленген шамамен 50 адам қалғаны хабарланды. Айбек Смадияров олардың басым бөлігі сол елде жұмыс істейтін қызметкерлер екенін атап өтті. Сонымен бірге, бұл тізімге Иранда тұратын этникалық қазақтар кірмейді, тек Қазақстан азаматтары есепке алынған.

Израильде қазір шамамен 170 қазақстандық бар. Олардың көпшілігі елден әуежайлар арқылы шығып кету мүмкіндігіне ие екенін, алайда елшіліктің қолдау көрсетуге әзір екенін министрлік растады.

«Қазақстандықтарды эвакуациялау оңай процесс емес. Мысалы, Израильден оларды автобуспен Мысырға жеткізіп, одан әрі ұшақпен алып шықтық. Ал Ираннан бірнеше бағыт арқылы – Әзірбайжан, Түрікменстан және Армения арқылы эвакуация жүргізілді», — деді Сыртқы істер министрлігінің өкілі.

Министрлік Иран мен Израильде жүрген барлық қазақстандықтарға, әсіресе әлі елшіліктермен хабарласпағандарға өз жағдайларын айтып, қажетті көмек алу үшін байланысқа шығуға шақырды.

Басқа да жаңалықтарды оқи отырыңыз.

Қаралған саны: 202

Бөлісу:

АЙДАРЛАР

Басқа да мақалалар

Сообщение Иран мен Израильде қалған қазақстандықтардың нақты саны белгілі болды появились сначала на Азаттық ньюс.

«Басыңды жұлып тастаймын. Көп болса жұмыстан кетермін»: Қызылордалық шенеунік желіде пікір жазған тұрғынға қоқан-лоқы көрсеткен

Қазалы аудандық кәсіпкерлік және өнеркәсіп бөлімінің басшысы тұрғынның әлеуметтік желіде жазған пікірі үшін қоқан-лоқы көрсеткен, деп хабарлайды «Азаттық-Ньюс» Ақпараттық агенттігі.

Қазалы ауданының тұрғыны Динара Дастенова аудандық кәсіпкерлік, өнеркәсіп және туризм бөлімінің басшысы Ақтілеу Бөрқұлақов өзіне қоқан-лоқы көрсетіп, балағаттағанын айтты.

«20 қаңтар күні маған телефон соғып, «мойыныңды жұлып аламын», «көріңнен қазып аламын», «ізіңнен қалмаймын» деген сөздер айтты. Мен оның әкесі туралы постқа пікір жазғанмын. Бірақ оның әкесіне қатысты ештеңе жазған жоқпын. Өзі аудандық кәсіпкерлік және өнеркәсіп бөлімінің басшысы. Ал, әкесі аудандық қоғамдық кеңес төрағасы», – дейді ол.

Динара Дастенова шенеуніктің бұл әрекетіне полицияға арыз берген.

«Екі рет сот процесі өтті. Ол өз ісін дұрыс деп отыр. Кешірім сұраған да жоқ», – дейді ол.

Айтуынша, Ақтілеу Бөрқұлақов сотта «Менің айтқаным бұл кісінің ар-намысын қорлайтын сөз емес» деп жауап берген. Бірақ қоңыраудың жазбасында бейәдеп, қоқан-лоқы сөздер айтылғаны анық естіледі.

«Сонда бұл ар-намысты қорлау емес пе? Өлтіремін деп ашық түрде қоқан-лоқы жасап тұр. Ол әрекеті үшін еш қысылып та тұрған жоқ», – дейді Динара Дастенова.

Басқа да жаңалықтарды оқи отырыңыз.

Қаралған саны: 280

Бөлісу:

АЙДАРЛАР

Басқа да мақалалар

Сообщение «Басыңды жұлып тастаймын. Көп болса жұмыстан кетермін»: Қызылордалық шенеунік желіде пікір жазған тұрғынға қоқан-лоқы көрсеткен появились сначала на Азаттық ньюс.

Қостанайда ұшақ шұғыл қонуға мәжбүр болған

Қостанайда ұшақ шұғыл қонуға мәжбүр болған, деп хабарлайды «Азаттық-Ньюс» Ақпараттық агенттігі.

Бүгін Арқалық қаласынан 1,5 шақырым жерде санитарлық авиация ұшағы қатты қозғалыспен шұғыл қонуға мәжбүр болған. Ұшақ бортында 4 адам болған. Екі ұшқыш пен екі дарігер.

Оқиға туралы хабар түскен бойда Қостанай облысы ТЖД-нің өрт сөндіру және құтқару жасақтары оқиға орнына жіберілді.

Аймақта және Арқалық қаласында жедел штабтар құрылып, жедел желі іске қосылды.

Құтқарушылар адамдарды аман-есен тауып, Арқалық қаласына жеткізген. Құдай сақтап, жарақат алғандар мен қаза тапқандар жоқ. Оқиғаның себебі анықталып жатыр.

Басқа да жаңалықтарды оқи отырыңыз.

Қаралған саны: 335

Бөлісу:

АЙДАРЛАР

Басқа да мақалалар

Сообщение Қостанайда санитарлық авиация ұшағы шұғыл қонуға мәжбүр болған появились сначала на Азаттық ньюс.

"Төсекте жатып темекі шеккен": Ер адам өрттен құтқарылды

Ер адам өрттен құтқарылды, деп хабарлайды «Азаттық-Ньюс» Ақпараттық агенттігі.

Ақмола облысының Ерейментау қаласында жекеменшік тұрғын үй өртенді.

Төтенше жағдайлар министрлігі мәліметінше, көршілері үйде адам бар деп хабарлаған. Өртті сөндіруге келгендер үй иесін ес-түссіз күйде тапты.

Өрт аумағы шағын, 4 шаршы метр болады. Ер адам үйден шыға алмай қалған.

«Үйдің жатын бөлмесіндегі өрттің шығу себебін анықтаған кезде, үй иесі ес-түссіз күйде табылды. Сараптама қорытындысы бойынша азамат мас күйінде болған және төсекте жатып темекі шеккен», — делінген ТЖМ хабарламасында.

Басқа да жаңалықтарды оқи отырыңыз.

Қаралған саны: 319

Бөлісу:

АЙДАРЛАР

Басқа да мақалалар

Сообщение «Төсекте жатып темекі шеккен»: Ер адам өрттен құтқарылды появились сначала на Азаттық ньюс.

6 адам уланып қайтыс болды

6 адам уланып қайтыс болды, деп хабарлайды «Азаттық-Ньюс» Ақпараттық агенттігі.

Жамбыл облысында екі отбасы уланып қайтыс болды.

Жамбыл облыстық ТЖ департаменті баспасөз қызметінің мәліметінше, 17 қазан күні сағат 07:40 шамасында Жамбыл ауданы, Қызылшарық ауылында жеке тұрғын үйде, алдын ала болжам бойынша, табиғи газбен жанатын пештің сөніп қалуы салдарынан 3 адам газдан уланып қалған.

Олар 1963 жылы туған үй иесі мен оның 1988 жылы туған ұлы оқиға орнында мерт болды. Ал 2007 жылы туған немересі ауыр халде ауруханаға жатқызылған.

Сондай-ақ 16 қазан күні Т. Рысқұлов ауданы, Жарылсу ауылында жеке тұрғын үйде алдын ала болжам бойынша, газ плитасынан газ тарап, үй иелері 1967 және 1975 жылдары туған ерлі-зайыпты және олардың 2011 және 2019 жылы туған балалары уланып көз жұмған.

Бүгінгі таңда аталған қайғылы оқиғаға қатысты сот-медициналық сараптама тағайындалды.

Жамбыл облыстық ПД баспасөз қызметі «Адам өлімі» бойынша қылмыстық іс қозғалғанын хабарлады.

Басқа да жаңалықтарды оқи отырыңыз.

Қаралған саны: 305

Бөлісу:

АЙДАРЛАР

Басқа да мақалалар

Сообщение 6 адам уланып қайтыс болды появились сначала на Азаттық ньюс.

Сарбазға оқу-жаттығу кезінде оқ тиіп, көз жұмды

Сарбазға оқу-жаттығу кезінде оқ тиіп, көз жұмды, деп хабарлайды «Азаттық-Ньюс» Ақпараттық агенттігі.

Маңғыстауда әскери оқу-жаттығулар кезінде мерзімді қызметтегі сарбаздың бетіне оқ тиіп, ауруханаға жетпей қайтыс болған.

Ақтау гарнизонының мәліметінше, жантүршігерлік оқиға 7 қыркүйекте «Оймаша» полигонында болған. Ол жерде «Батыс» аймақтық қолбасшылығының құрылымдары оқу-жаттығулар өткізген.

«Қару-жарақты қолдау ережелерін бұзу салдарынан мерзімді қызметтегі сарбаз ауыр жарақат алып, қайтыс болды. Қазіргі кезде оқиғаның мән-жайы анықталып жатыр», — делінген ресми хабарламада.

Қазіргі күні адам өлімі бойынша қылмыстық іс қозғалды.

Тергеу мүддесіне байланысты басқа ақпараттар жарияланбай отыр.

Басқа да жаңалықтарды оқи отырыңыз.

Қаралған саны: 354

Бөлісу:

АЙДАРЛАР

Басқа да мақалалар

Сообщение Сарбазға оқу-жаттығу кезінде оқ тиіп, көз жұмды появились сначала на Азаттық ньюс.

8 жасар бала өзенге батып кетіп, іздестірілуде

Өзенге батып кеткен 8 жасар баланы бір тәуліктен бері іздеп жатыр, деп хабарлайды «Азаттық-Ньюс» Ақпараттық агенттігі.

Қостанай облысы Төтенше жағдайлар департаментінің баспасөз қызметінің мәліметінше, Тобыл өзеніне кішкентай бала батып кеткен.

Бейімбет Майлин ауданына қарасты Козыревка ауылында бала мен ер адам Тобыл өзені арқылы жағалаудан өтіп бара жатып, байқамай суға түсіп кеткен.

«Ер адам судан өз бетімен шықты. Ұл баланы ағыс ағызып кетті. Баланы іздестіру жұмыстары жалғасып жатыр. Төтенше жағдайлар қызметінің құтқарушылары, сондай-ақ жүзу құралдары мен ұшқышсыз ұшу аппараты жұмылдырылды», — деп хабарлады ведомство.

Басқа да жаңалықтарды оқи отырыңыз.

Қаралған саны: 371

Бөлісу:

АЙДАРЛАР

Басқа да мақалалар

Сообщение 8 жасар бала өзенге батып кетіп, іздестірілуде появились сначала на Азаттық ньюс.