Президент Қасым-Жомарт Кемелұлы Тоқаевтың Сыр өңіріне деген ерекше қолдауымен, Үкімет пен облыс әкімі Мұрат Нәлқожаұлы Ергешбаевтың басшылығымен Қазалы ауданында жыл басынан бері әлеуметтік-экономикалық дамудың барлық бағытында жүйелі жұмыстар атқарылып келеді. Алты айдың қорытындысы бойынша аудан экономикасында тұрақты өсім сақталып, тұрғындардың әл-ауқатын арттыруға бағытталған маңызды жобалар кезең-кезеңімен жүзеге асырылуда.
2026 жылға арналған аудан бюджеті 13,6 млрд теңге болып бекітіліп, бүгінде 14,2 млрд теңгеге нақтыланды. Ауданның өз кірістерінің жоспары 4,3 млрд теңгеге дейін ұлғайтылып, І жартыжылдықта жоспар 103,4 пайызға орындалды. Есепті кезеңде өнеркәсіп өндірісінің көлемі 16,6 млрд теңгені құрап, өсім 100,2 пайыз болса, өңдеу өнеркәсібі – 14,7 млрд теңге, ауыл шаруашылығы – 4,8 млрд теңге, құрылыс жұмыстары – 6,2 млрд теңге, инвестиция көлемі – 10,1 млрд теңге, сауда көлемі – 6,8 млрд теңге болып, барлық негізгі экономикалық көрсеткіштер бойынша оң динамика қалыптасты.

Кәсіпкерлікті дамыту бағытында бүгінде ауданда 4 935 кәсіпкерлік субъектісі тіркеліп, оның 4 829-ы белсенді жұмыс жасауда. Жыл басынан бері 9 жаңа кәсіпкерлік нысаны ашылып, 25 тұрақты жұмыс орны құрылды. Сонымен қатар, кәсіпкерлерге 188 жоба бойынша 1,6 млрд теңге жеңілдетілген несие берілді. Инвестициялық жобалар аясында 1 млрд 95 млн теңгенің 3 ірі жобасы жүзеге асырылуда. Соның ішінде Басықара ауылындағы «Арал рыбторг» ЖШС жүзеге асырып жатқан 650 млн теңгелік тауарлы балық өсіру жобасы биыл күзде алғашқы өнімін береді. Ал «Ауыл аманаты» бағдарламасы бойынша 2026 жылы 88 жобаны қаржыландыруға 850 млн теңге бөлініп, 103 жаңа жұмыс орнын ашу жоспарлануда.

Ауыл шаруашылығы саласында биыл 12 мың 245 гектар жерге ауыл шаруашылығы дақылдары егілді. Су үнемдеу технологияларын енгізу және егіс алқаптарын әртараптандыру жұмыстары жалғасуда. Сонымен қатар, ауданнан Ресей, Польша, Германия, Түркия, Қытай, Нидерланды және басқа да елдерге 2 403 тонна ауыл шаруашылығы өнімі экспортталды.

Инженерлік инфрақұрылымды дамыту бағытында маңызды жобалар іске асырылуда. Өткен жылы мемлекетке қайтарылған активтер есебінен және бюджет қаржысы арқылы Сарбұлақ, Шилі, Шәкен және Шитүбек ауылдары таза ауыз сумен қамтамасыз етіліп, бүгінде Қазалы ауданы халқы 100 пайыз сапалы ауыз суға қол жеткізді. Электр желілерін жаңғырту жұмыстары Қазалы қаласында, Қожабақы және Ү.Түктібаев ауылдарында жүргізілсе, алдағы уақытта Құмжиек пен Қарашеңгел ауылдарының электр желілері толық жаңартылады. Газдандыру бағытында Жанқожа батыр, Бекарыстан би, Майдакөл және Ү.Түктібаев ауылдарының орамішілік газ желілерінің құрылысы жүргізілуде. Жыл соңына дейін аталған төрт елді мекен табиғи газға қосылып, аудан халқын газбен қамту көрсеткіші 86,3 пайызға жетеді.

Автомобиль жолдары мен көлік инфрақұрылымын дамыту бойынша да ауқымды жұмыстар жалғасуда. Әйтеке би кентіндегі айналма жол мен бірқатар көшелер қайта жаңғыртылып, жаяу жүргіншілер жолдары салынуда. Сонымен бірге, көп жылдан бері халық күткен «Қарлан» көпірінің құрылысы қарқынды жүргізілуде. Бүгінде барлық 84 свай қағылып, жоспарланған 8 тіреудің 5-еуі орнатылды. Көпірді жыл соңына дейін пайдалануға беру жоспарланып отыр.

Құрылыс саласында тұрғындарды баспанамен қамту жұмыстары жалғасуда. Алдағы уақытта ауданда 200 пәтерлі тұрғын үйлердің құрылысы басталады деп жоспарлануда.

Әлеуметтік инфрақұрылымды дамыту бағытында биыл Бекарыстан би ауылындағы жаңа спорт кешені пайдалануға берілді. Жақын күндері Әйтеке би кентіндегі жаңа Мәдени-демалыс кешені мен Қожабақы ауылындағы спорт кешені ел игілігіне табысталмақ. Сонымен қатар, «Қазақстан темір жолы» компаниясының қолдауымен теміржол вокзалы жанындағы жаңа аспалы жаяу жүргіншілер көпірі пайдалануға беріліп, 125 жылдық тарихы бар Қазалы теміржол вокзалы толық күрделі жөндеуден өтті.

Білім саласында 91 білім беру ұйымында жүйелі жұмыстар жүргізіліп, мектептердің материалдық-техникалық базасы жаңартылуда. Биыл 1 015 түлек мектеп бітіріп, оның 99-ы «Алтын белгі», 116-сы «Үздік аттестат» иегері атанды.

Денсаулық сақтау саласында өткен жылы пайдалануға берілген жаңа кардиология және инсульт орталығы халыққа сапалы қызмет көрсетуде. Компьютерлік томограф іске қосылып, жыл соңына дейін МРТ аппараты орнатылады. Елді мекендерге 26 жаңа санитарлық автокөлік беріліп, жедел жәрдем қызметінің материалдық-техникалық базасы толық жаңартылды.

Спорт саласында жаңа футбол алаңдары пайдалануға беріліп, аудан спортшылары халықаралық жарыстарда 3 алтын, 7 күміс, 6 қола, ал ел чемпионаттарында 14 алтын, 19 күміс және 27 қола медаль жеңіп алды. Мәдениет саласында І жартыжылдықта 875 мәдени-көпшілік іс-шара өткізілсе, әлеуметтік салада 1 732 жаңа жұмыс орны құрылып, жастарды жұмыспен қамтуға бағытталған жобалар жүйелі жүзеге асырылуда.

Сонымен қатар, «Таза Қазақстан» республикалық экологиялық акциясы аясында 100-ден астам сенбілік ұйымдастырылып, 16 755 тонна қоқыс шығарылды, 10 мың түп ағаш отырғызылды. Қоғамдық қауіпсіздікті қамтамасыз ету бағытында аудан бойынша құқық бұзушылық деңгейі өткен жылдың сәйкес кезеңімен салыстырғанда 10 пайызға төмендеді.

Алдағы уақытта да Мемлекет басшысының тапсырмаларын сапалы орындап, инвестиция тарту, кәсіпкерлікті дамыту, өндіріс көлемін ұлғайту, әлеуметтік және инженерлік инфрақұрылымды жаңғырту бағытындағы жұмыстар жалғасын табады. Бірлігі бекем, ынтымағы жарасқан Қазалы жұртшылығымен бірге ауданымыздың әлеуметтік-экономикалық дамуын жаңа деңгейге көтеру жолындағы жұмыстарды жүйелі түрде жүзеге асыра береміз.

Сообщение ҚАЗАЛЫ АУДАНЫНДА АЛТЫ АЙДА АТҚАРЫЛҒАН ЖҰМЫСТАР АУҚЫМДЫ появились сначала на Азаттық ньюс.

Рейд барысында аудандық полиция бөлімінің қызметкерлері мен жауапты мекеме өкілдері елді мекендердегі сауда орындарын, көңіл көтеру орындарын, көшелер мен қоғамдық орындарды аралап, құқық бұзушылықтардың алдын алуға бағытталған бақылау жұмыстарын жүргізді.

Іс-шараның басты мақсаты – түнгі уақытта алкоголь өнімдерін заңсыз сатудың жолын кесу, қоғамдық орындарда алкогольдік ішімдік ішудің және есірткі құралдарын пайдаланудың алдын алу арқылы қоғамдық тәртіпті нығайту.

Рейд кезінде Қазақстан Республикасы Әкімшілік құқық бұзушылық туралы кодексінің 200-бабында көзделген талаптардың сақталуына ерекше назар аударылды. Атап айтқанда, алкоголь өнімдерін заңмен белгіленген уақыттан тыс сататын сауда орындары тексеріліп, анықталған құқық бұзушылықтар бойынша заң талаптарына сәйкес әкімшілік шаралар қолданылды.

Сонымен қатар ӘҚБтК-нің 440-бабына сәйкес қоғамдық орындарда алкогольдік ішімдіктерді тұтыну немесе масаң күйде қоғамдық орындарға келу деректерінің алдын алу бағытында түсіндіру және бақылау жұмыстары жүргізілді. Қоғамдық тәртіпті бұзатын азаматтарға заң талаптары түсіндіріліп, тиісті әкімшілік хаттамалар рәсімделді.

Рейд барысында қоғамдық орындарда есірткі құралдарын немесе психотроптық заттарды заңсыз пайдалану фактілерін анықтау мақсатында да бақылау күшейтілді. Бұл бағыттағы жұмыстар жастар арасында салауатты өмір салтын қалыптастыруға, есірткі қылмыстарының алдын алуға және тұрғындардың қауіпсіздігін қамтамасыз етуге бағытталды.

Жергілікті кәсіпкерлермен де профилактикалық кездесулер өткізіліп, алкоголь өнімдерін сату кезінде заң талаптарын қатаң сақтау қажеттілігі түсіндірілді. Сауда нысандарының иелеріне заң талаптарын бұзған жағдайда әкімшілік жауапкершілік қарастырылғаны ескертілді.

Мұндай профилактикалық іс-шаралар құқық бұзушылықтың алдын алуда, тұрғындардың құқықтық мәдениетін арттыруда және қоғамда заң мен тәртіп қағидатын қалыптастыруда маңызды рөл атқарады. Әсіресе жастардың құқық бұзушылыққа жол бермеуі, зиянды әдеттерден аулақ болуы және салауатты өмір салтын ұстануы – бүгінгі күннің басты міндеттерінің бірі.

«Сырдария – қауіпсіз аудан, болашақ ұрпақ мекені» жобасы аясындағы рейдтік жұмыстар алдағы уақытта да тұрақты түрде жалғасады. Құқық қорғау органдары тұрғындарды заң талаптарын қатаң сақтауға, қоғамдық тәртіпті бұзбауға және құқық бұзушылықтардың алдын алуға белсенді атсалысуға шақырады. Қауіпсіз қоғам – әрбір азаматтың жауапкершілігі мен заңға құрметінен басталады.

Сообщение «СЫРДАРИЯ – ҚАУІПСІЗ АУДАН, БОЛАШАҚ ҰРПАҚ МЕКЕНІ» ЖОБАСЫ АЯСЫНДА ТҮНГІ РЕЙДТІК ІС-ШАРАЛАР ЖҮРГІЗІЛДІ появились сначала на Азаттық ньюс.

Қызметтік даярлық сабағының негізгі мақсаты – полиция қызметкерлерінің құқықтық білім деңгейін арттыру, заңнамадағы соңғы өзгерістерді түсіндіру, құқық қолдану тәжірибесін жетілдіру және қызмет барысында заң талаптарын бірізді әрі сапалы орындауды қамтамасыз ету.

Іс-шара барысында қатысушыларға еліміздің қолданыстағы заңнамасына енгізілген өзекті өзгерістер жан-жақты түсіндірілді. Әсіресе сыбайлас жемқорлыққа қарсы саясатты іске асыру бағытындағы жаңа талаптар мен құқықтық нормалар кеңінен қарастырылды. Баяндамашылар сыбайлас жемқорлыққа қарсы іс-қимыл саласындағы заңнамалық өзгерістердің мазмұнына тоқталып, полиция қызметкерлерінің қызметтік міндеттерін адал әрі ашық атқаруының маңызын атап өтті.

Сабақ барысында қызметтік әдеп қағидаларын сақтау мәселесіне де ерекше назар аударылды. Мемлекеттік қызметтің негізгі қағидаттарының бірі саналатын адалдық, әділдік, заңдылық және азаматтарға құрметпен қарау – полиция қызметкерінің күнделікті қызметіндегі басты ұстанымдардың бірі екені айтылды. Қызметтік тәртіпті сақтау, мүдделер қақтығысына жол бермеу және сыбайлас жемқорлық тәуекелдерінің алдын алу бағытындағы талаптар нақты мысалдар арқылы түсіндірілді.

Сонымен қатар қызметтік даярлық аясында Қазақстан Республикасының рақымшылық жасау туралы Заңын қолдану тәртібі кеңінен талқыланды. Баяндамашылар рақымшылық институтының құқықтық мәніне тоқталып, оның қолданылу тетіктері, заңда көзделген талаптар және құқық қорғау органдары қызметкерлерінің осы бағыттағы іс-әрекеттері жөнінде жан-жақты мәлімет берді.

Дәріс барысында қылмыстық және әкімшілік құқық бұзушылықтар бойынша рақымшылық нормаларын қолданудың құқықтық негіздері, тәжірибеде кездесетін ерекшеліктері және заң талаптарын іске асыру кезінде туындайтын өзекті мәселелер сараланды. Сондай-ақ әрбір істің мән-жайын жан-жақты зерттеу, заң талаптарын бұлжытпай сақтау және азаматтардың құқықтарын қорғау мәселелеріне баса назар аударылды.

Қызметтік даярлық сабағы теориялық біліммен ғана шектелмей, тәжірибелік бағытта да ұйымдастырылды. Қатысушылар түрлі қызметтік жағдайлар бойынша пікір алмасып, құқық қолдану тәжірибесінде кездесетін мәселелерді ортаға салды. Өздерін толғандырған сұрақтарға жауап алып, заңнаманы қолданудың бірыңғай тәсілдері жөнінде кәсіби ұсыныстармен бөлісті.

Мұндай оқыту сабақтары полиция қызметкерлерінің кәсіби құзыреттілігін арттыруға, құқықтық білімін жаңғыртуға және қызмет барысында заң талаптарын тиімді әрі сапалы орындауға мүмкіндік береді. Сонымен бірге құқық қорғау органдары жұмысының ашықтығын, тиімділігін және халық сенімін нығайтуға оң әсерін тигізеді.

Қазіргі таңда полиция қызметінің сапасы ең алдымен қызметкерлердің кәсіби даярлығы мен құқықтық мәдениетіне байланысты. Сондықтан заңнамалық өзгерістерді дер кезінде меңгеру, қызметтік әдеп қағидаларын қатаң сақтау және құқық қолдану тәжірибесін жетілдіру – заманауи полиция қызметінің маңызды бағыттарының бірі.

Осындай жүйелі түрде өткізілетін қызметтік даярлық сабақтары Қызылорда облысы Полиция департаменті қызметкерлерінің кәсіби біліктілігін арттыруға, заңнаманы бірізді қолдануға және тұрғындарға сапалы құқықтық қызмет көрсетуге берік негіз қалыптастырады.

Сообщение Қызылордалық полицейлердің кәсіби даярлығы нығая түсуде: заңнамалық өзгерістер мен құқық қолдану тәжірибесі талқыланды появились сначала на Азаттық ньюс.

Іс-шара аясында Қызылорда қаласы Полиция басқармасы Криминалдық полиция бөлімінің жедел уәкілі, полиция капитаны Нәбиева Әсем Сейтқалиқызы Зағиптар қоғамы клубында мекеме қызметкерлерімен арнайы кездесу өткізді. Басқосуда қазіргі таңда қоғам үшін өзекті мәселеге айналған интернет және телефон арқылы жасалатын алаяқтық қылмыстары жан-жақты талқыланып, олардың алдын алу жолдары түсіндірілді.

Кездесу барысында полиция қызметкері соңғы уақытта кеңінен таралған киберқылмыстардың түрлеріне тоқталды. Алаяқтардың өзін банк қызметкері, құқық қорғау органы немесе мемлекеттік мекеме өкілі ретінде таныстырып, азаматтардың сеніміне кіруі, әлеуметтік желілердегі жалған жарнамалар арқылы арзан несие немесе жоғары табыс ұсынуы, интернет-дүкендердегі жалған сауда, сондай-ақ мессенджерлер мен телефон қоңыраулары арқылы жеке мәліметтерді алдап алу тәсілдері кеңінен түсіндірілді.

Әсіресе, көру қабілеті шектеулі азаматтардың цифрлық қауіпсіздігіне ерекше назар аударылды. Себебі мұндай санаттағы адамдар алаяқтардың арбауына жиі түсіп қалуы мүмкін. Осыған байланысты полиция қызметкері ақпаратты тек ресми дереккөздерден алу, күмәнді қоңырауларға сенбеу және кез келген қаржылық операция алдында жақындарымен немесе банк мамандарымен кеңесу қажеттігін атап өтті.

Кездесу барысында қатысушыларға жеке деректердің құпиялылығын сақтау мәселесі де кеңінен түсіндірілді. Атап айтқанда, банк картасының нөмірін, жарамдылық мерзімін, CVV-кодын, SMS арқылы келетін бір реттік растау кодтарын, электрондық қосымшалардағы құпиясөздерді ешкімге жарияламау қажеттігі ескертілді. Сонымен қатар белгісіз адамдар жіберген сілтемелерге өтпеу, күмәнді мобильді қосымшаларды жүктемеу және әлеуметтік желілерде жарияланған қаржылық ұсыныстарға сақтықпен қарау жөнінде нақты ұсыныстар берілді.

Полиция өкілі азаматтарға алаяқтардың психологиялық қысым көрсету, асықтыру немесе қорқыту әдістерін жиі қолданатынын айтып, мұндай жағдайда сабыр сақтап, әңгімені тоқтатып, ақпаратты міндетті түрде ресми ұйымдар арқылы қайта тексеруге кеңес берді. Егер күмәнді әрекеттер байқалса немесе алаяқтық белгілері анықталса, бірден полицияға немесе банкке хабарласу қажеттігі айтылды.

Шара соңында қатысушылар өздерін толғандырған сұрақтарын қойып, нақты мысалдар негізінде құқықтық кеңестер алды. Мұндай кездесулер халықтың құқықтық мәдениетін арттырып қана қоймай, цифрлық қауіпсіздік дағдыларын қалыптастыруда маңызды рөл атқаратыны атап өтілді.

Қазіргі таңда киберқылмыспен күрес тек құқық қорғау органдарының ғана емес, бүкіл қоғамның ортақ міндетіне айналып отыр. Азаматтардың қырағылығы, жеке мәліметтерді қорғау мәдениеті және цифрлық сауаттылығы – интернет алаяқтарының жолын кесудің ең тиімді құралдарының бірі.

Қызылорда қаласы Полиция басқармасы тұрғындарды сақтық шараларын қатаң сақтауға шақырып, күмәнді қоңыраулар мен хабарламаларға сенбеуге, жеке мәліметтерді бөгде адамдарға бермеуге және интернет кеңістігінде барынша мұқият болуға үндейді. Себебі қауіпсіздік – әр азаматтың өз қолында

Сообщение «Hi Tech» жедел-профилактикалық іс-шарасы: Қызылордада интернет алаяқтықтың алдын алу жұмыстары күшейтілуде появились сначала на Азаттық ньюс.

Облыстық полицияның кешенді күштері мен патрульдік жасақтары көшелерде, саябақтарда, халық көп жиналатын қоғамдық орындарда, сондай-ақ кафе мен мейрамханалар маңында қызметтерін күшейтті. Тәртіп сақшылары тұрғындардың тыныштығын қамтамасыз етіп, құқық бұзушылықтардың алдын алу бағытында профилактикалық жұмыстар жүргізді.

Жүргізілген рейдтік және профилактикалық іс-шаралар нәтижесінде кәмелетке толмағандар арасында бірқатар құқық бұзушылықтар анықталды. Қазақстан Республикасының Әкімшілік құқық бұзушылық туралы кодексінің 132-бабының 2-бөлігі мен 442-бабы талаптарын бұзған 107 жасөспірім есепке алынып, олардың заңды өкілдеріне әкімшілік хаттамалар рәсімделді.

Сонымен қатар, ӘҚБтК-нің 127-бабына сәйкес балаларды тәрбиелеу, олардың құқықтары мен қауіпсіздігін қамтамасыз ету жөніндегі міндеттерін тиісінше орындамаған 10 ата-анаға немесе заңды өкілге қатысты әкімшілік материалдар толтырылды. Полиция қызметкерлері ата-аналардың бала тәрбиесіне жауапкершілігі құқық бұзушылықтардың алдын алуда маңызды рөл атқаратынын атап өтті.

Жол қозғалысы қауіпсіздігін қамтамасыз ету бағытында да кешенді рейдтік шаралар ұйымдастырылды. Нәтижесінде жол қозғалысы ережелерін өрескел бұзған жүргізушілер анықталып, олардың әрекеттеріне заң талаптарына сәйкес тиісті шаралар қолданылды. Полицейлер жүргізушілерді жол қозғалысы ережелерін қатаң сақтауға және өзге жол қозғалысына қатысушылардың қауіпсіздігіне жауапкершілікпен қарауға шақырды.

Құқық қорғау органдары мұндай профилактикалық іс-шаралар алдағы уақытта да тұрақты түрде жалғасатынын жеткізді. Негізгі мақсат – қоғамдық тәртіпті нығайту, құқық бұзушылықтардың алдын алу және өңір тұрғындары үшін қауіпсіз орта қалыптастыру.

Полиция департаменті азаматтарды заң талаптарын сақтауға, қоғамдық тәртіпке бейжай қарамауға және құқық бұзушылықтың куәсі болған жағдайда дереу құқық қорғау органдарына хабарлауға шақырады.

Сообщение Қызылордада 10 ата-ана әкімшілік жауапкершілікке тартылды появились сначала на Азаттық ньюс.

Көп жағдайда қаскөйлер банк картасының нөмірін, CVV-кодын, SMS арқылы келген бір реттік растау кодтарын сұрайды. Кейде белгісіз сілтемеге өтіп, қосымша орнатуды немесе жеке кабинетке кіруді талап етеді. Осындай әрекеттердің барлығы азаматтардың ақшасын заңсыз иемденуге бағытталған алаяқтық схемалары болып табылады.

Осыған байланысты тұрғындарға қарапайым қауіпсіздік қағидаларын қатаң сақтау ұсынылады. Ең алдымен, банк картасының деректерін, оның ішінде CVV-кодты және SMS арқылы келетін құпия растау кодтарын ешкімге хабарламаған жөн. Сондай-ақ белгісіз адамдар жіберген сілтемелерге өтпеу, әлеуметтік желілер мен мессенджерлер арқылы келген күмәнді хабарламаларға сенбеу қажет.

Егер телефон соққан адам өзін банк қызметкері, полиция немесе мемлекеттік органның өкілі ретінде таныстырып, жеке мәліметтерді немесе құпия кодтарды сұраса, әңгімені бірден тоқтатып, сол мекеменің ресми байланыс нөміріне өзіңіз хабарласқан дұрыс. Ешбір банк қызметкері немесе мемлекеттік орган өкілі азаматтардан телефон арқылы құпия ақпаратты талап етпейтінін есте ұстаған жөн.

Қазіргі таңда интернет-алаяқтықтың құрбанына кез келген адам айналуы мүмкін. Сондықтан әрбір тұрғын қырағылық танытып, ақпараттық қауіпсіздік талаптарын сақтауы қажет. Сонымен қатар егде жастағы азаматтарға, жастарға және жақындарыңызға алаяқтардың әрекет ету тәсілдері туралы түсіндіріп отырған абзал. Өйткені алдын алу – қылмыстың салдарын жоюдан әлдеқайда тиімді.

Қаржылық қауіпсіздік – әр азаматтың өз жауапкершілігінен басталады. Жеке деректердің құпиялығын сақтап, күмәнді қоңыраулар мен хабарламаларға сенбеу арқылы ғана өз қаражатыңызды қорғауға болады.

Сырдария ауданы полиция бөлімі тұрғындарды қырағы болуға, алаяқтардың арбауына түспеуге және күмәнді жағдайлар туындаған жағдайда құқық қорғау органдарына дереу хабарласуға шақырады.

Сообщение Алаяқтардың арбауына түспеңіз! появились сначала на Азаттық ньюс.

Жиынға қатысқан облыстық Полиция департаментінің басшысы өңірде Мемлекет басшысы айқындаған «Заң және тәртіп» қағидатын орнықтыру бағытында кешенді жұмыстар жүйелі түрде жүргізіліп жатқанын атап өтті. Оның айтуынша, құқық бұзушылықтардың алдын алу – полиция қызметінің басым бағыттарының бірі. Осыған байланысты құқық қорғау органдары жергілікті атқарушы органдармен және басқа да мүдделі мекемелермен бірлесіп, тұрғындардың құқықтық сауаттылығын арттыруға, қоғамдық тәртіпті сақтауға және құқық бұзушылықтың алдын алуға бағытталған кешенді іс-шараларды тұрақты ұйымдастыруда.

Күн тәртібіндегі маңызды мәселелердің бірі – тұрмыстық зорлық-зомбылықтың алдын алу болды. Бұл бағытта атқарылып жатқан жұмыстардың тиімділігі жан-жақты сараланып, зорлық-зомбылық фактілеріне жол бермеу мақсатында профилактикалық шаралардың күшейтілгені айтылды. Сондай-ақ тұрмыстық жанжалдардың туындау себептерін дер кезінде анықтау, қауіп-қатер тобындағы отбасылармен жүйелі жұмыс жүргізу, жәбірленушілердің құқықтарын қорғау және оларға қажетті құқықтық әрі әлеуметтік көмекті жедел көрсету мәселелері кеңінен талқыланды.

Жиын барысында учаскелік полиция инспекторларының қызметіне де ерекше назар аударылды. Олар құқық бұзушылықтың алдын алуда тұрғындармен тікелей жұмыс жүргізетін негізгі буын екені айтылып, жергілікті атқарушы органдармен, білім беру, денсаулық сақтау және әлеуметтік қорғау мекемелерімен өзара іс-қимылды одан әрі нығайтудың маңыздылығы атап өтілді.

Сонымен қатар облыс көлемінде құқықтық мәдениетті қалыптастыру, заң талаптарын түсіндіру және тұрғындардың құқықтық жауапкершілігін арттыру мақсатында ақпараттық-түсіндіру жұмыстары тұрақты түрде жүргізіліп жатқаны жеткізілді. Мұндай профилактикалық шаралар қоғамдағы құқықтық тәртіпті нығайтып, құқық бұзушылық деңгейін төмендетуге оң ықпал ететіні айтылды.

Отырысты қорытындылаған облыс әкімі Мұрат Ергешбаев қоғамдық қауіпсіздікті қамтамасыз ету, азаматтардың құқықтары мен заңды мүдделерін қорғау және құқықбұзушылықтың алдын алу бағытындағы жұмыстарды жаңа деңгейге көтерудің маңыздылығына тоқталды. Аймақ басшысы жауапты мемлекеттік органдарға профилактикалық іс-шаралардың тиімділігін арттыру, ведомствоаралық өзара іс-қимылды күшейту, құқық бұзушылықтың алдын алу бойынша нақты әрі нәтижелі жұмыстарды жалғастыру жөнінде бірқатар нақты тапсырмалар жүктеді.

Сообщение Қызылорда облысында құқықтық тәртіпті нығайту мәселелері талқыланды появились сначала на Азаттық ньюс.

Бұл бағыттағы жұмыстардың негізгі мақсаты – азаматтарды әкімшілік жауапкершілікке тарту емес, заң талаптарын түсіндіру арқылы құқық бұзушылықтардың алдын алу және қоғамдағы құқықтық мәдениетті қалыптастыру. Осыған байланысты Қызылорда облысының барлық аудан-қалаларында профилактикалық іс-шаралар тұрақты түрде ұйымдастырылып келеді.
Қазақстан Республикасы Әкімшілік құқық бұзушылық туралы кодексінің 434-3-бабына сәйкес қоғамдық орындарда адамның бет-әлпетін тануға кедергі келтіретін киім киюге тыйым салынған. Аталған талап балаклаваға, медициналық мақсаттан тыс қолданылатын бетперделерге, никабқа және адамның бет-жүзін толық немесе едәуір бөлігін жабатын өзге де киім үлгілеріне қатысты қолданылады. Заң нормасы қоғамдық қауіпсіздікті қамтамасыз етуге, азаматтарды сәйкестендіру мүмкіндігін сақтауға және қоғамдық тәртіпті нығайтуға бағытталған.
Облыстық Полиция департаментінің мәліметінше, жыл басынан бері өңірде аталған бап бойынша 284 әкімшілік құқық бұзушылық дерегі тіркелген. Бұл көрсеткіш полиция қызметкерлерінің қоғамдық орындарда жүргізіп жатқан бақылау және түсіндіру жұмыстарының жүйелі түрде жүзеге асырылып отырғанын көрсетеді.
Профилактикалық іс-шаралар барысында полиция қызметкерлері тұрғындармен жеке кездесулер өткізіп, заң талаптарын егжей-тегжейлі түсіндіруде. Сонымен қатар азаматтарға ақпараттық жадынамалар таратылып, олардың көкейіндегі сауалдарға жауап берілуде. Түсіндіру жұмыстары барысында құқық қорғау органдары заң талаптарының мазмұнын ғана емес, оның қабылдану себептері мен қоғамдық қауіпсіздік үшін маңызын да кеңінен жеткізуде.
Әсіресе адам көп жиналатын сауда және ойын-сауық орталықтарында, базарларда, теміржол және автовокзалдарда, білім беру ұйымдарында, халыққа қызмет көрсету орталықтарында, саябақтар мен өзге де қоғамдық орындарда профилактикалық жұмыстарға басымдық берілуде. Мұндай кездесулер барысында тұрғындарға заң талаптарын сақтау әрбір азаматтың қауіпсіздігі мен қоғамдық тәртіпті қамтамасыз етудегі маңызды міндеттердің бірі екені түсіндіріледі.
Полиция қызметкерлерінің айтуынша, қолданыстағы заң ең алдымен алдын алу қағидатына негізделген. Сондықтан құқық бұзушылық алғаш рет анықталған жағдайда азаматтарға ескерту жасалып, заң талаптары түсіндіріледі. Ал талап қайта бұзылған жағдайда Қазақстан Республикасының заңнамасына сәйкес 10 айлық есептік көрсеткіш мөлшерінде әкімшілік айыппұл қарастырылған.
Мамандар қоғамдық қауіпсіздік тек құқық қорғау органдарының ғана емес, барша қоғамның ортақ жауапкершілігі екенін айтады. Заң талаптарын сақтау – қоғамдық тәртіпті нығайтуға, құқық бұзушылықтардың алдын алуға және тұрғындардың қауіпсіз өмір сүруіне ықпал ететін маңызды факторлардың бірі.
Қызылорда облысы Полиция департаменті тұрғындар мен өңір қонақтарын қолданыстағы заң талаптарын құрметтеуге, қоғамдық орындарда белгіленген тәртіпті сақтауға және қауіпсіз қоғам қалыптастыру ісіне белсенді атсалысуға шақырады.
Құқық қорғау органдарының мәліметінше, алдағы уақытта да облыс аумағында ақпараттық-түсіндіру және профилактикалық іс-шаралар жалғасын тауып, тұрғындардың құқықтық сауаттылығын арттыруға бағытталған жұмыстар тұрақты түрде жүргізілетін болады.

Сообщение Қызылорда облысында қоғамдық орындарда бет-жүзді тұмшалауға қатысты түсіндіру жұмыстары күшейтілді появились сначала на Азаттық ньюс.

Түнгі уақытта ұйымдастырылған профилактикалық шаралар барысында ойын-сауық орындары, демалыс кешендері мен жастар көп шоғырланатын нысандар қамтылды. Рейдке қатысушылар келушілермен және мекеме қызметкерлерімен түсіндіру жұмыстарын жүргізіп, қоғамдық орындардағы тәртіптің сақталуына ерекше назар аударды.

Іс-шараға құқық қорғау органдарының қызметкерлерімен қатар азаматтық қоғам өкілдері де белсенді қатысты. Атап айтқанда, «Сырдария жастары» еріктілер штабының жетекшісі, «Жастар Рухы» жастар қанатының төрағасы және ерікті жастар рейд жұмыстарына атсалысып, профилактикалық іс-шаралардың тиімділігін арттыруға өз үлестерін қосты.

Мұндай рейдтердің басты мақсаты – құқық бұзушылық орын алғаннан кейін әрекет ету емес, оның алдын алу. Себебі қоғамдық орындарда алкогольдік ішімдікке масаң күйде жасалатын құқық бұзушылықтар мен түрлі келеңсіз жағдайлар азаматтардың өмірі мен денсаулығына қауіп төндіріп қана қоймай, қоғамдық тыныштықтың бұзылуына себеп болуы мүмкін. Сондай-ақ соңғы жылдары жастар арасында есірткі құралдарын пайдалану мен заңсыз айналымына қарсы күресті күшейту мемлекеттік саясаттың маңызды бағыттарының біріне айналып отыр.

Рейд барысында тұрғындар мен жастарға салауатты өмір салтын ұстанудың маңыздылығы, заң талаптарын сақтау және құқықтық мәдениетті қалыптастыру жөнінде түсіндіру жұмыстары жүргізілді. Сонымен қатар көңіл көтеру орындарының әкімшілігіне қоғамдық тәртіпті сақтау, кәмелетке толмағандардың заңсыз жүруіне жол бермеу және қауіпсіздік талаптарын күшейту жөнінде ұсынымдар берілді.

Мамандардың айтуынша, мұндай профилактикалық іс-шаралар құқық бұзушылықтың деңгейін төмендетуге, жастар арасында зиянды әдеттердің таралуының алдын алуға және қоғамдағы құқықтық тәртіпті нығайтуға оң ықпал етеді. Әсіресе мемлекеттік органдар мен жастар ұйымдарының бірлескен жұмысы қоғамдағы жауапкершілік мәдениетін қалыптастырып, тұрғындардың қауіпсіздігін қамтамасыз етуге мүмкіндік береді.

Жастардың қоғамдық бастамаларға белсенді қатысуы – құқық бұзушылықтың алдын алудағы маңызды тетіктердің бірі. Еріктілердің рейд жұмыстарына қатысуы өз қатарластарына үлгі болып қана қоймай, қоғамдағы қауіпсіздік мәселесіне бейжай қарамайтын азаматтық ұстанымды көрсетеді.

Аудан көлемінде мұндай профилактикалық рейдтер алдағы уақытта да тұрақты түрде ұйымдастырылып, құқық қорғау органдары, жергілікті атқарушы билік және жастар ұйымдарының өзара ынтымақтастығы негізінде жалғасын табады. Өйткені қауіпсіз қоғам қалыптастыру – тек құқық қорғау органдарының ғана емес, әрбір азаматтың ортақ міндеті.

Қоғамдық тәртіптің сақталуы, жастардың қауіпсіздігі мен салауатты өмір салтын насихаттау – тұрақты әрі қауіпсіз қоғам құрудың басты кепілі.

Сообщение СЫРДАРИЯ АУДАНЫНДА ТҮҢГІ РЕЙД ЖҰМЫСТАРЫ ЖҮРГІЗІЛДІ появились сначала на Азаттық ньюс.

Бүгінде қала көшелерінде жол белгілерінің анық көрінуіне кедергі келтіріп тұрған ағаштар мен тал бұтақтарын қырқу жұмыстары қарқынды жүргізілуде. Мамандардың айтуынша, бұл жұмыстар жол қозғалысын ұйымдастырудың маңызды элементтерінің бірі болып саналады. Себебі уақыт өте келе жол жиегіндегі ағаштардың бұтақтары өсіп, жол белгілерін көлегейлеп, жүргізушілердің оларды дер кезінде байқауына кедергі келтіреді. Мұндай жағдай, әсіресе түнгі уақытта немесе қолайсыз ауа райында жол-көлік оқиғаларының туындауына әсер етуі мүмкін.

Жол белгілерінің анық әрі толық көрінуі – қозғалыс қауіпсіздігінің басты талаптарының бірі. Жүргізуші кез келген ескерту немесе тыйым салу белгісін алдын ала көріп, соған сәйкес әрекет еткен жағдайда ғана жолдағы қауіп-қатердің алдын алуға болады. Сонымен қатар, жаяу жүргіншілер өткелдері, мектептер мен әлеуметтік нысандар маңындағы жол белгілерінің көрінуі балалар мен тұрғындардың қауіпсіздігі үшін аса маңызды.

Қырқу жұмыстары қала көшелеріндегі көлік қозғалысына кедергі келтірмей, кезең-кезеңімен жүргізілуде. Бұл жұмыстар барысында жол белгілерінің айналасы толық тазартылып, олардың нормативтік талаптарға сай көрінуі қамтамасыз етіледі. Нәтижесінде жүргізушілер жол жағдайын алдын ала бағалап, қажетті шешімді дер кезінде қабылдай алады.

Мамандардың пікірінше, жол инфрақұрылымын күтіп ұстау тек жаңа жолдар салумен немесе жөндеу жұмыстарымен ғана шектелмейді. Жол белгілерінің техникалық жағдайын бақылау, жол таңбаларын жаңарту, бағдаршамдардың үздіксіз жұмысын қамтамасыз ету және олардың көріну аймағын ашық ұстау – қауіпсіз қозғалыстың маңызды құрамдас бөліктері.

Қызылорда облысы Полиция департаменті жол қозғалысына қатысушыларды жол қозғалысы ережелерін қатаң сақтауға шақырады. Жүргізушілер жылдамдық режимін сақтап, жол белгілерінің талаптарын орындап, жаяу жүргіншілерге басымдық беруі қажет. Ал жаяу жүргіншілер тек белгіленген өткелдер арқылы өтіп, жолда барынша сақ болғаны жөн.

Жол қауіпсіздігін қамтамасыз ету тек мемлекеттік органдардың ғана емес, әрбір азаматтың жауапкершілігін талап етеді. Жүргізушілердің тәртіпті болуы, жаяу жүргіншілердің жол ережелерін сақтауы және жол инфрақұрылымының талапқа сай болуы – қауіпсіз қоғам қалыптастырудың негізгі алғышарттары.

Қазіргі таңда атқарылып жатқан ағаштар мен бұталарды қырқу жұмыстары – осы бағыттағы маңызды қадамдардың бірі. Мұндай шаралар жол белгілерінің көрінуін жақсартып қана қоймай, көлік жүргізушілері мен жаяу жүргіншілер үшін қолайлы әрі қауіпсіз орта қалыптастыруға мүмкіндік береді.

Жол – баршаға ортақ кеңістік. Сондықтан әрбір қозғалысқа қатысушы өз жауапкершілігін сезініп, жол қозғалысы ережелерін мүлтіксіз орындаған жағдайда ғана жол-көлік оқиғаларының саны азайып, адам өмірі мен денсаулығын сақтауға мүмкіндік туады.

Жол қауіпсіздігі – бүгінгі күннің ғана емес, келешек ұрпақтың да қауіпсіз өмірінің кепілі. Ал оны қамтамасыз ету – қоғам мен мемлекеттің ортақ міндеті.

Сообщение Жол қауіпсіздігі – қоғамның ортақ жауапкершілігі. появились сначала на Азаттық ньюс.