«Бала бауыр етің»,-деп айтқан қазақтың ұрпағымыз ғой. Бүгін жаңа оқу жылы қарсаңында «Баланы мектепке даярлайық!» акциясы шеңберінде 25 оқушыға мектеп құралдары салынған сөмкелер сыйға тарттық.

«AMANAT» партиясы бұл акцияны 15 жыл қатарынан «Бақытты отбасы» жобасы аясында республика көлемінде ұйымдастырып келеді. Оның басты мақсаты – көпбалалы және аз қамтылған отбасыларға балаларын 1 қыркүйекке дейін мектепке дайындауға көмектесу.

Биыл акция аясында облыс бойынша 1000-нан аса баланы қамту жоспарланған болатын. Бүгінгі дейін 400 балаға 3 милионға жуық қаржы жұмсалды, ал біздің кәсіпкер партияластарымыздың қолдауымен 1400 балаға мектепке қажетті құрал жабдықтары табысталды.

«AMANAT» партиясы Сайлауалды бағдарламасында балалардың еш кедергісіз сапалы білім алуы үшін жағдай жасау мақсатында ауқымды жобаларды көздеп отыр. Бұл жасалып жатқан акция сонің бір үзімі десек болады. Акция өз жалғасын табатын болады.

Еліміз тыныш, балғындарымыз аман болып, болашағы жарқын болсын!

Алмасбек Есмаханов