Қаңтарда ескі шахтаға автобуспен бірге құлаған құтқарушыларды іздеу жұмыстары жанданды, деп хабарлайды “Азаттық-Ньюс” Ақпараттық агенттігі.

Оқиға “Майқайың алтын” АҚ аумағында болған. Кәсіпорын өкілдері іздеу жұмыстары күн сайын жүргізілетінін мәлімдеді.

“28 маусымда кәсіби әскерилендірілген авариялық құтқару қызметтерінің республикалық орталық штабымен бірлесіп, іздеу жұмыстары басталды. Іздеу жұмыстары күндізгі уақытта таңғы 05:00-ден кешкі 20:00-ге дейін жалғасады. Жұмысты 7 шілдеде аяқтау жоспарланып отыр, қажет болған жағдайда мерзімі ұзартылады”, – деді “Майқайың алтын” АҚ өкілдері.