Жазира Бағланқызы — Азаттық ньюс

Астанада Республика күніне орай дөңгелек үстел өтті

Жазира Бағланқызы — Sat, 25 Oct 2025 05:15:01 +0000

Астанада Республика күніне орай дөңгелек үстел өтті

ҚР Ұлттық музейінің Ғылыми кітапхана залында «Егемендік – ел болашағының бастауы» атты дөңгелек үстел өтті, деп хабарлайды «Азаттық-Ньюс» Ақпараттық агенттігі.

Республика күні мен Қазақстанның Мемлекеттік егемендігі туралы декларацияның қабылданғанына 35 жыл толуына арналған жиынды Мәдениет және ақпарат министрлігінің қолдауымен Геральдикалық зерттеулер орталығы ұйымдастырды.

Іс-шараның мақсаты – егемендіктің тарихи мәні мен құқықтық негіздерін кеңінен насихаттау, ұлттық рәміздердің идеологиялық әрі рухани маңызын айқындау.

Жиынға Парламент депутаттары, мемлекет және қоғам қайраткерлері, белгілі ғалымдар және зиялы қауым өкілдері қатысты.

Қатысушылар Тәуелсіздік тарихына тағылымды шолу жасап қана қоймай, егемендіктің мәнін бүгінгі күн тұрғысынан жан-жақты талдады.

Қазақстан Республикасының Мемлекеттік Елтаңбасының авторы Жандарбек Мәлібеков өз сөзінде мемлекеттік рәміздердің пайда болу тарихын баяндап, егемендік декларациясының қабылдануы ұлттық идеологияның рухани өзегіне айналғанын ерекше атап өтті.

Іс-шара барысында Мәдениет және ақпарат министрінің Құрмет грамотасы мен Алғыс хаты табысталып, мемлекеттік рәміздерді ұлықтауға және ұлттық құндылықтарды насихаттауға ерекше үлес қосқан тұлғалар марапатталды.

Ашық пікірталас кезінде қатысушылар егемендіктің бүгінгі ұрпақ санасындағы орны, ұлттық бірегейлікті нығайту тетіктері және Республика күнін жалпыұлттық деңгейде атап өтудің маңызы жөнінде ой бөлісті.

ҚР Мәдениет және ақпарат министрлігінің баспасөз қызметі

Басқа да жаңалықтарды оқи отырыңыз.

Қаралған саны: 87

Бөлісу:

АЙДАРЛАР

Басқа да мақалалар

Сообщение Астанада Республика күніне орай дөңгелек үстел өтті появились сначала на Азаттық ньюс.

Шиеліде Конституцияның 30 жылдығы мерекесіне орай «Ауыл күндері» байқауы “Денсаулық” аллеясында өтті

Жазира Бағланқызы — Fri, 29 Aug 2025 16:04:00 +0000

Шиеліде Конституцияның 30 жылдығы мерекесіне орай «Ауыл күндері» байқауы “Денсаулық” аллеясында өтті

Биыл – Қазақстан Республикасының Конституциясы қабылданғанына 30 жыл, деп хабарлайды «Азаттық-Ньюс» Ақпараттық агенттігі.

Айтулы мерекеге орай Шиелі аудандық аурухана жанындағы “Денсаулық”аллеясында «Ауыл күндері» байқауы өтті.

Салтанатты шарада аудан әкімі Айтбай Жандарбеков құттықтау сөз сөйлеп, игі бастамалар Мемлекет басшысы Қасым-Жомарт Кемелұлы Тоқаевтың елді мекендерді дамытуға бағытталған нақты тапсырмалары мен жүйелі саясатының ауданымызда табысты жүзеге асып жатқанын атап өтті.

Сонымен қатар, облыс әкімі Нұрлыбек Машбекұлы Нәлібаевтың бастамасымен қолға алынған абаттандыру, көгалдандыру, көркейту жұмыстарының айқын нәтижесі іске асып жатқаны айтылды.

Президентіміздің 2025 жылды «Жұмысшы мамандықтар жылы» деп жариялауына сәйкес, ауданда ауылдардың әлеуетін арттырып, халықтың белсенділігін көтеруге бағытталған «Ауыл күндері» байқауы бастау алған болатын.

Әр аптаның жұмасында дәстүрлі түрде ұйымдастырылатын бұл бастама – ауыл тіршілігін жандандырып, еңбек адамдарының мәртебесін көтеруге, ел ішіндегі бірлікті нығайтуға бағытталған. Байқау аясында мәдени іс-шаралар, ауыл өнімдерінің жәрмеңкелері, спорттық ойындар мен абаттандыру жұмыстары өтуде.

Бүгінгі «Ауыл күндері» де жаңа «Денсаулық аллеясында» ұйымдастырылып, аудан тұрғындарына ерекше мерекелік көңіл-күй сыйлады. Бұл жолғы байқауда Жаңатұрмыс және Телікөл ауылдық округтері қатысып, өздерінің өнерін, өнімдерін және бастамаларын көпшілікке ұсынды.

«Денсаулық аллеясы» – тұрғындардың өмір сапасын арттырып, салауатты өмір салтын насихаттайтын, әрбір отбасыға қуаныш сыйлайтын ерекше орын.

Алдағы уақытта да ауданымызда денсаулық сақтау саласы мен әлеуметтік инфрақұрылымды дамыту бағытындағы жүйелі жұмыстар жалғасын таба бермек.

Салауатты өмір салтын насихаттайтын бұл нысан – жай ғана демалыс орны емес, спортпен айналысуға, серуендеп тынығуға, балалардың еркін ойнап, қуанышқа кенелуіне арналған жайлы орта.

Басқа да жаңалықтарды оқи отырыңыз.

Қаралған саны: 154

Бөлісу:

АЙДАРЛАР

Басқа да мақалалар

Сообщение Шиеліде Конституцияның 30 жылдығы мерекесіне орай «Ауыл күндері» байқауы “Денсаулық” аллеясында өтті появились сначала на Азаттық ньюс.

Шиеліде ҚР Конституциясының 30 жылдық мерекесі күніне орай салтанатты шара өтті

Жазира Бағланқызы — Fri, 29 Aug 2025 15:58:00 +0000

Шиеліде ҚР Конституциясының 30 жылдық мерекесі күніне орай салтанатты шара өтті

Биыл Қазақстан Республикасының Конституциясы қабылданғанына – 30 жыл, деп хабарлайды «Азаттық-Ньюс» Ақпараттық агенттігі.

Мемлекет үшін айрықша мәнге ие мереке, әрбір қазақстандықтың жүрегінен орын алған күн екені анық. Осыған орай Шиелі ауданында Бұдабай Қабылұлы атындағы аудандық мәдениет үйінде салтанатты шара ұйымдастырылды.

Жиын барысындағы аудан әкімі Айтбай Жандарбековтың құттықтау сөзінде:

– «Ата Заңды құрметтеу – ел тағдырына жауапты әр азаматтың қасиетті міндеті. Конституция – Тәуелсіз Қазақстанның тұғыры мен тұтастығын айқындайтын басты құжат. Ол мемлекетіміздің негізін бекітіп, әрбір азаматтың құқықтары мен бостандықтарын қамтамасыз ететін құқықтық әрі рухани бағдар.» – деп атап өтіп, барша Шиелі жұртын мерейлі мерекемен құттықтады.

Аудан басшысы өз сөзінде қазақ тарихындағы құқықтық дәстүрлерге де тоқталды:

– «Ұлтымыздың ұлан-ғайыр тарихында Қасым ханның “Қасқа жолы”, Есім ханның “Ескі жолы”, Әз-Тәукенің “Жеті жарғысы” сынды дала Заңдары халықтың бірлігін бекемдеп, әділдік пен адалдықты ту еткен. Бүгінгі айбынды Ата Заңымыз сол тарихи заңнамалардың жалғасы болып, тағдыры ортақ, тілегі бір Қазақстан халқының ынтымағын нығайтып, тұрақты татулық пен берекелі бірлікті қамтамасыз етіп отыр» – деді аудан басшысы.

Мемлекет басшысы Қасым-Жомарт Кемелұлы Тоқаевтың , Үкіметтің аймақтарға, оның ішінде Сыр өңіріне, Шиелі ауданына жасаған қолдауының арқасында аудан бюджеті бірнеше есеге ұлғайып, әлеуметтік нысандар көбейіп, халықтың өмір сапасы артып келеді.

Мереке қарсаңында ауданға аймақ басшысы Нұрлыбек Машбекұлы Нәлібаев пен Парламент Сенаты мен Мәжіліс депутаттары арнайы іссапармен келіп, бірқатар әлеуметтік нысандардың ашылу салтанатына қатысты. Аймақ басшысы ауданның бүгінгі қарқынын оң бағалап, болашақта атқарылар жұмыстардың жаңа бағыттарын айқындап берді.

Аталған сапар аясында:

• Жалпы құны 1 млрд 68 млн теңге болатын 200 орындық «Оқушылар үйі» мен 50 орындық «Өнер мектебі» пайдалануға беріліп, жас ұрпақтың жан-жақты дамуына кең жол ашылды;

• Мемлекетке қайтарылған активтер есебінен салынған 30 төсектік жұқпалы аурулар бөлімшесінің заманауи ғимараты ашылды;

• Оқу-ағарту министрлігінің қолдауымен күрделі жөндеуден өткен №219 Ы.Алтынсарин атындағы мектеп жаңа кейіпке енді;

• Үкіметтің резервтік қорынан бөлінген қаржыға ауданаралық аурухана жанынан МРТ құрылғысына арналған қосымша корпус салынды. Енді құны жоғары МРТ аппараты орнатылып, шиеліліктер өз ауданында-ақ жоғары технологиялық диагностикалық қызмет ала алады;

• Шиелі кентіндегі «Болашақ» дәрігерлік амбулаториясының күрделі жөндеу жұмыстары аяқталды;

Осындай аудан халқының игілігіне арналған ғимараттыңдың салынуы және жобалардың жүзеге асуы аймақ басшысының Біздің ауданға деген шынайы ықыласының белгісі.

Мерейлі мереке баршамызға құтты болсын! Әрбір отбасына жақсылық пен ізгілік, береке мен ынтымақ тілеймін. Ата заңымыз асқақ, Тәуелсіздігіміз мәңгі болғай!, – деді Айтбай Жандарбеков

Сондай-ақ, аудан дамуына сүбелі үлес қосып, аянбай еткен еткен бірқатар азаматтарға облыс әкімінің және аудан әкімінің «Алғыс хаттары» табысталды.

Арнайы кеште ауданның өнер майталмандары көпшілікке мерекелік көңіл-күй сыйлады.

Басқа да жаңалықтарды оқи отырыңыз.

Қаралған саны: 150

Бөлісу:

АЙДАРЛАР

Басқа да мақалалар

Сообщение Шиеліде ҚР Конституциясының 30 жылдық мерекесі күніне орай салтанатты шара өтті появились сначала на Азаттық ньюс.

Тұтыну мен төлем

Жазира Бағланқызы — Thu, 28 Aug 2025 18:53:38 +0000

Тұтыну мен төлем

Ауыз суды тиімді пайдалануды қадағалауға, су пайдалану ережелерін сақтауға байланысты су мамандары тексеру жұмыстарын жүргізді. Бұл қадам су тұтынушы тұрғындардың жауапкершілігі мен міндеттерін нығайтуды көздейді.

Рейд шарасы қаланың сол жағалау ауданындағы №4 квартал аумағын қамтыды. Мұнда су есептегіш құралдары қойылмауы салдарынан суды есепсіз пайдалану дерегі анықталды.

Ауыз су пайдалану тәртібін қорғауға байланысты Сол жағалау, 59а, №4 квартал, 4 үйлерге су өлшеуіш құралы орнатылса, №4 квартал, 13, 6 үйлер бойынша тексеру актісі жазылып, қайта есептеме жүргізілді.

Ал алдын ала жасалған ескертуді орындамауына орай №4 квартал, 6 үй орталықтандырылған су жүйесінен ажыратылды.

Басқа да жаңалықтарды оқи отырыңыз.

Қаралған саны: 144

Бөлісу:

АЙДАРЛАР

Басқа да мақалалар

Сообщение Тұтыну мен төлем появились сначала на Азаттық ньюс.

Кенеге қарсы өңдеу шаралары жүргізілуде

Жазира Бағланқызы — Thu, 28 Aug 2025 18:49:35 +0000

Кенеге қарсы өңдеу шаралары жүргізілуде

Қызылорда қаласында Конго-Қырым геморрагиялық қызбасының алдын алудың санитариялық-профилактикалық іс-шараларын ұйымдастыру мақсатында бекітілген кестеге сәйкес кенеге қарсы өңдеу жұмыстары жүргізіліп келеді.

Кенеге қарсы залалсыздандыру Бәйтерек және Әл-Фараби мөлтек аудандарында атқарылды. Өңдеу барысы жұмысшы топпен бақыланып, санитарлық-ағарту жұмыстары жүргізілді.

Кенеге қарсы өңдеу шараларының тиімділігін арттыру үшін тұрғындар әрі қарай қора тазалығын қатаң сақтауы қажет.

Басқа да жаңалықтарды оқи отырыңыз.

Қаралған саны: 153

Бөлісу:

АЙДАРЛАР

Басқа да мақалалар

Сообщение Кенеге қарсы өңдеу шаралары жүргізілуде появились сначала на Азаттық ньюс.

Ауылдық елді мекендерді дамыту – стратегиялық басымдық

Жазира Бағланқызы — Thu, 28 Aug 2025 15:54:00 +0000

Ауылдық елді мекендерді дамыту – стратегиялық басымдық

Бүгін Шиелі кентіндегі «Арман» мәдениет үйінде ҚР Ұлттық экономика вице-министрі Бауыржан Омарбековтың аудан тұрғындарымен кездесуі өтті, деп хабарлайды «Азаттық-Ньюс» Ақпараттық агенттігі.

Жиынға ҚР Ұлттық экономика вице-министрі Бауыржан Омарбеков, Қызылорда облысы әкімінің орынбасары Данияр Жаналинов төрағалық етті.

Бұл басқосу – ауыл халқының өмір сапасын арттыру, әлеуметтік инфрақұрылымды жақсарту және кәсіпкерлікті дамытуға арналған мемлекеттік бағдарламалардың іске асырылу барысын түсіндіруге арналды.

Кездесу еркін форматта, сұрақ-жауап түрінде өтті.

Аудан тұрғындары ауылдарды дамыту, инфрақұрылымды жаңғырту, тұрғын үй, әлеуметтік нысандар, жолдар және инженерлік желілер құрылысы бойынша өз пікірлерін ортаға салды.

Әрбір ұсыныс назарға алынып, тиісті жауаптар берілді.

Жиында айтылған ұсыныстар мен бастамалар алдағы уақытта аудан дамуына оң әсер етіп, жаңа жобалардың жүзеге асуына жол ашатыны сөзсіз.

Кездесуден кейін ҚР Ұлттық экономика вице-министрі Бауыржан Омарбеков «Ауыл – Ел бесігі» және «Ауыл аманаты» жобалары аясында Шиелі ауданында жүзеге асырылып жатқан бірқатар маңызды нысандардың жұмысымен танысты.

«Ауыл – Ел бесігі» жобасы аясында күрделі жөндеуден өткен Көкшоқы спорт кешені қазіргі таңда жасөспірімдер мен балаларға арналған заманауи спорттық орталыққа айналды. Құны 315 млн теңгені құрайтын бұл жоба аясында спортпен шұғылдануға барлық жағдай жасалған.

«Ауыл аманаты» жобасы аясында Шиелі кентінің орталығындағы бизнес-инкубатор ғимаратында бүгінгі таңда жеңілдетілген несие мен мемлекеттік қолдау алған, жалпы сомасы 70,1 млн теңгені құрайтын 5 кәсіпкер өз өндірісін бастап, жұмыс жүргізуде. Бұл шағын өндіріс орталығы аудан кәсіпкерлерінің бастамаларына серпін беріп отыр.

Жалпы, «Ауыл аманаты» жобасы арқылы соңғы 3 жылда Шиелі ауданында жалпы құны 968,1 млн теңге болатын 135 жоба қаржыландырылып, жаңа жұмыс орындары ашылып, ауыл кәсіпкерлігі жаңа белеске көтерілді.

Бұл бастамалар – «Ауыл – Ел бесігі» мен «Ауыл аманаты» жобаларының нақты нәтижесі. Олар халықтың тұрмыс сапасын жақсартып қана қоймай, ауылдық жерлердің болашақтағы дамуына берік негіз қалап отыр.

Басқа да жаңалықтарды оқи отырыңыз.

Қаралған саны: 145

Бөлісу:

АЙДАРЛАР

Басқа да мақалалар

Сообщение Ауылдық елді мекендерді дамыту – стратегиялық басымдық появились сначала на Азаттық ньюс.

Шиелі ауданында денсаулық сақтау саласы жаңа деңгейге көтерілуде

Жазира Бағланқызы — Thu, 28 Aug 2025 15:49:00 +0000

Шиелі ауданында денсаулық сақтау саласы жаңа деңгейге көтерілуде

Қазақстан Республикасының Денсаулық сақтау вице-министрі Ардақ Амангелдиев ауданға жұмыс сапарымен келіп, жаңадан пайдалануға берілген 30 төсектік жұқпалы аурулар бөлімшесінің жұмысымен танысты, деп хабарлайды «Азаттық-Ньюс» Ақпараттық агенттігі.

Аталған медициналық нысан мемлекетке қайтарылған активтер аясында салынды. Жалпы құны 2 млрд 323 млн теңгені құрайтын бұл бөлімше заманауи талаптарға сай жабдықталып, қазіргі таңда тұрғындарға сапалы медициналық қызмет көрсетуде.

Сонымен қатар, ауданда денсаулық сақтау саласында басқа да ауқымды жобалар жүзеге асырылуда. Шиелі ауданаралық ауруханасы жанынан МРТ құрылғысына арналған қосымша корпус салынды. Үкіметтің резервтік қорынан бөлінген 733,2 млн теңгеге құрылыс жұмыстары толық аяқталды. Ендігі кезекте құны 650 млн теңгені құрайтын жаңа МРТ аппараты орнатылмақ. Осылайша, Шиелі халқына алыс қалаларға бармай-ақ, өз ауданында жоғары технологиялық диагностикадан өтуге жағдай жасалады.

Бұдан бөлек, Шиелі кентіндегі «Болашақ» дәрігерлік амбулаториясы күрделі жөндеуден өтті.

Бұл жобалар аудан тұрғындарының денсаулығын жақсартуға, медициналық қызметтердің қолжетімділігін арттыруға бағытталған.

Қазақстан Республикасының Денсаулық сақтау вице-министрі Ардақ Амангелдиев аудандағы денсаулық сақтау нысандарына жоғары баға беріп, мемлекеттік қолдау арқылы салынған жобалар тұрғындардың өмір сапасын жақсартуға бағытталғанын атап өтті.

Басқа да жаңалықтарды оқи отырыңыз.

Қаралған саны: 155

Бөлісу:

АЙДАРЛАР

Басқа да мақалалар

Сообщение Шиелі ауданында денсаулық сақтау саласы жаңа деңгейге көтерілуде появились сначала на Азаттық ньюс.

Қоғамның қолдауы қажет

Жазира Бағланқызы — Wed, 27 Aug 2025 18:45:06 +0000

Қоғамның қолдауы қажет

Өмірдің қиын жағдайына түскен әрбір жанға демеу болатын тірек әрдайым қажет. Мұндай тірек, әсіресе даму жағдайындағы ерекшеліктері бар мүгедектігі бар азаматтар үшін маңызды. Бұл кісілер қоғамдық қолдауға арқа сүйейді.

Қалалық мүгедектер қоғамы қолынан іс келетін мүгедектігі бар адамдар арасында шағын цех жұмысын ұйымдастырды. Қазір цехта 20 шебер қызмет етеді. Олар тұрмысқа аса қажет түрлі қолөнер бұйымдарын, бесік пен қыз жасауларын, оюлы құрақ көрпелер, гипстен дайындалған бұйымдар мен ағаштан орындықтар жасап келеді. Осыған орай қала халқынан тапсырыстар қабылдайды.

Тәжірибесі толысқан шеберлер арасында аяқ-киім тігуді меңгерген мамандар, тігін ісінің ісмерлері де бар. Шеберлердің еңбегі еш кетпесін десеңіз, өзін-өзі қамтамасыз етуге ұмтылған жандардың кәсібінің алға өрлеуіне қолдау көрсету керек.

Аталған ұйым Ә.Бөкейхан көшесі, №52 мекенжайында орналасқан. Ұйымға Айдар Садретов жетекшілік етеді.

Басқа да жаңалықтарды оқи отырыңыз.

Қаралған саны: 158

Бөлісу:

АЙДАРЛАР

Басқа да мақалалар

Сообщение Қоғамның қолдауы қажет появились сначала на Азаттық ньюс.

№219 мектепте жүргізілген жөндеу жұмыстары аяқталды

Жазира Бағланқызы — Wed, 27 Aug 2025 15:46:00 +0000

№219 мектепте жүргізілген жөндеу жұмыстары аяқталды

Шиелі ауданына жұмыс сапарымен келген облыс әкімі Нұрлыбек Нәлібаевпен және Парламент Сенаты мен Мәжілісінің депутаттары — Наурызбай Байқадамов, Руслан Рүстемов, Мұрат Әбенов, Мұрат Ергешбаев, облыс прокуроры Ризабек Ожаров, аудан әкімі Айтбай Жандарбеков күрделі жөндеуден өткен №219 Ы.Алтынсарин атындағы орта мектептің жұмысымен танысты, деп хабарлайды «Азаттық-Ньюс» Ақпараттық агенттігі.

Мектеп ғимараты бүгінде заман талабына сай толық жаңартылып, білім беру процесі үшін барлық қажетті инфрақұрылыммен жабдықталған. Жөндеу жұмыстары барысында сынып кабинеттері, асхана, спорт және акт залдары, дәліздер мен ғимараттың ішкі-сыртқы бөлігі түгелдей жаңартылды.

Аталған мектепте бүгінде 200-ге жуық мұғалім қызмет атқарып, 1000-нан астам оқушы білім алуда. Білім ордасындағы құрылыс жұмыстарын «СК и Монтаж-строй» ЖШС мамыр айында бастап, тамыз айында аяқтады.

Басқа да жаңалықтарды оқи отырыңыз.

Қаралған саны: 154

Бөлісу:

АЙДАРЛАР

Басқа да мақалалар

Сообщение №219 мектепте жүргізілген жөндеу жұмыстары аяқталды появились сначала на Азаттық ньюс.

Облыс әкімі Шиелідегі теміржол вокзалын күрделі жөндеу жұмыстарымен танысты

Жазира Бағланқызы — Wed, 27 Aug 2025 15:42:00 +0000

Облыс әкімі Шиелідегі теміржол вокзалын күрделі жөндеу жұмыстарымен танысты

Облыс әкімі Нұрлыбек Нәлібаев Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мұрат Әбенов, Мұрат Ергешбаев және жауапты сала басшыларымен бірге Шиелідегі теміржол вокзалын күрделі жөндеу жұмыстарымен танысты, деп хабарлайды «Азаттық-Ньюс» Ақпараттық агенттігі.

Шиелі теміржол вокзалы да — 1904 жылы салынған тарихи нысан, күрделі жөндеу жұмыстары 2012 жылы жасалған. Бүгінде 13 жұп пойызына, тәулігіне 163 жолаушыға қызмет көрсетеді.

Өткен жылы Шиелі ауданы әкімдігі жолаушылар платформасының кіреберісіне қақпа салып, бұрынғы су мұнарасын жөндеді, 8 жарықшам, 10 орындық, 10 қоқыс жәшігі қойылды. Жоба-сметалық құжаттамасы әзірленіп, сараптаманың оң қорытындысы алынды. Мердігер мекеме «Дәнекер» ЖШС ғимараттың ішкі және қасбетін қаптау жұмыстарын қолға алған.

Басқа да жаңалықтарды оқи отырыңыз.

Қаралған саны: 152

Бөлісу:

АЙДАРЛАР

Басқа да мақалалар

Сообщение Облыс әкімі Шиелідегі теміржол вокзалын күрделі жөндеу жұмыстарымен танысты появились сначала на Азаттық ньюс.