1 қазан – Халықаралық қарттар күніне орай барлық ауданның ардагерлері облыс орталығына жиналып, отбасылық құндылықтарды нығайту, жас ұрпаққа рухани-адамгершілік тәрбие беру және заманауи қазақ анасының бейнесін қалыптастыруға бағытталған “Анаға тағзым” орталығының жұмысымен танысты, деп хабарлайды «Азаттық-Ньюс» Ақпараттық агенттігі.

Қазыналы қарияларымызға орталықтың ақпарат айдынында жеткен айтулы жетістіктері таныстырылды. Орталық 1 жыл бедерінде маңызды жұмыстардың басында жүрді. Ардақты аналарымыздың нағыз бет-бейнесін қалыптастыруда орталық атқарып жатқан жұмыстары аз емес. «Бір шәугім шай», «Апа TIME», «Тілге тиек», «Bir tolqynda», «Soul құрбым» секілді бірқатар бейнеөнімдер тұрақты түрде насихатталып келеді. Жаңашылдыққа ұмтылып, Ізденістің ізінде жүрген орталық жұмысына қарияларымыз да оң пікірін айтты.