Бүгін полиция департаментіне “ARAY CITY MALL” сауда ойын-сауық орталығына жарылғыш зат қойылғаны туралы ақпар түскен, деп хабарлайды “Азаттық-Ньюс” Ақпараттық агенттігі.

Оқиға орнына жедел жасақ қызметкерлері дереу барып, сауда үйінің ішіндегі азаматтарды қауіпсіз жаққа көшірген. 

Арнайы жасақ толық тексеріс жүргізіп, нәтижесінде тыйым салынған заттар мен жарылғыш құрылғы жоқ болып шыққанын мәлімдеген.

ЕСКЕРТЕМІЗ:

Қызылорда облысының Полиция департаменті қылмыстық құқықбұзушылық болып табылатын терроризм актісі туралы жалған хабар бергені үшін жауапкершілік туралы ескертеді, ол үшін Қазақстан Республикасы Қылмыстық кодексінің 273-бабында (Тероризм актісі туралы керінеу-жалған хабарлау) жаза көзделген. Осы бап бойынша 5 жылға дейін бас бостандығынан айыру жазасы қарастырылған.