"Арасында полицей де бар". Браконьерлер ұсталды
Заңсыз киік атқан браконьерлер ұсталды, деп хабарлайды “Азаттық-Ньюс” Ақпараттық агенттігі Экология және табиғи ресурстар министрлігінің сайтына сілтеме жасап.
«2024 жылғы 22 қазанда Түркістан облысының аумағында «Охотзоопром»ӨБ» РМҚК ЖӘЕТ инспекторлары Жамбыл және Алматы облыстарының төрт тұрғынын, оның ішінде Жанатас қаласында учаскелік инспектор болып жұмыс істейтін полиция қызметкерін ұстады», – делінген хабарламада.
16 киік ұшасы, 13 киік бас бөлігі мен мүйіздері, 12-калибрлі 2 тегіс ұңғылы қару (бірінде идентификациялық нөмірдің жойылу белгілері бар), 59 патрон және 4 прожектор (фар) табылған.
Тіркеу нөмірлері жоқ «Тойота Лэнд Крузер» маркалы автокөлікті тексеру барысында салонынан 16 киік ұшасы, 13 киік бас бөлігі мен мүйіздері, 12-калибрлі 2 тегіс ұңғылы қару (бірінде идентификациялық нөмірдің жойылу белгілері бар), 59 патрон және 4 прожектор (фар) табылған. Материалдар әрі қарай тергеу үшін құқық қорғау органдарына тапсырылды.