Ұлт көсемі, Алаш қайраткері Әлихан Бөкейханның суреті түнгі клубта ілініп тұр, деп хабарлайды “Азаттық-Ньюс” Ақпараттық агенттігі.

Бейнежазбаны facebook желісінің белсенді оқырманы Төребек Сағындық жариялады.

Оның сөзінше, түнгі клубтың бірінде Әлихан Бөкейханның қолына шылым мен ішімдік ұстатып қойған суреті ілулі тұр.

“Аузы жаман көрді былғайды, аяғы жаман төрді былғайды дейді. Қазақтың жастарына “не істей аласың?” деген пасық оймен істеп жатқан дүние ғой. “Жамандардың көбейіп кетуінен емес, жақсылардың жалқаулығынан” деген сөз бар. Жігіттер әркез осындай қателіктерді түзетуге тырысайық. Сіз бен біз ұйықтап жүргеннен кейін осындай дүниелер істеліп жатыр. Ұйықтаған халықты білесіздер, не жер бетінен жойылып кетеді, не тұрғанда құл боп оянады. Тіпті Ұлт көшбасшысын қорлап, клубқа әкеп қойдық. Жігіттер, жақсылыққа бірігейік!”- деді видео авторы.