Алауыздық тудыратын жазба таратқан қызылордалық сотталды, деп хабарлайды “Азаттық-Ньюс” Ақпараттық агенттігі.

Қызылорда облысының тұрғыны желіде заңға қайшы келетін жазба қалдырып, сотқа тартылды.

36 жастаға ер адам өзінің Телеграм әлеуметтік желісіндегі парақшасымен экстремистік материалдар таратқан.

Қызылорда облысының полиция департаменті экстремизмге қарсы іс-қимыл басқармасы қызметкерлерімен жүргізілген жедел-іздестіру іс-шаралары барысында деструктивті діни ағым ұстанушысын қолға түсірді.

Оған қатысты ҚР ҚК-нің 174-бабы 1-бөлігімен тергеп-тексеру амалдары басталып, тиісті сараптамалар тағайындалды. 

Нәтижесінде Қызылорда қалалық сотының үкімімен азамат кінәлі деп танылып, оған 4 (төрт) жыл мерзімге бас бостандығын айыру жазасы тағайындалды.