Бүгін аймақтық Халықтық штаб өкілдері референдумның маңыздылығын түсіндіру мақсатында өңіріміздің өнеркәсіп саласында өзіндік орны бар, еліміздің киім өндіру нарығында ерлер жейдесін тігу арқылы танымал, 80 азамат жұмыс жасайтын “Dala Tex” сертестігі мен 2007 жылдан өңірдегі ірі мұнай компанияларына көлік қызметін ұйымдастырып отырған «Бастау» мекемесі ұжымымен кездесті, деп хабарлайды «Азаттық-Ньюс» Ақпараттық агенттігі.

Жалпы екі ұжымға 6 қазанда елімізде өткізілетін Референдум туралы және жалпыхалықтық қабылданатын еліміздің саяси экономикалық дамуы үшін маңызды мәселе АЭС туралы мәліметтерді кеңінен ақпараттандырдық. Қатысушылардың көкейіндегі алаңдатқан сауалдарына штаб мүшелері тарапынан нақты жауаптар берілді. Жалпы еліміздегі бастамаға бей жәй қарамайтындықтарын Президент бастамаларына қолдау көрсететіндіктерін жеткізді.

Өңірлік штаб алдағы уақытта да түрі сала өкілдеріне ақпараттық түсіндіру жұмыстарын жалғастыратын болады.