Астанабек, Астанақұл, Астанали - Елімізде елорда есімімен қанша адам тұрады?
Қазіргі күні Қазақстанда Астана есімді 24 адам тұрады, деп хабарлайды “Азаттық-Ньюс” Ақпараттық агенттігі.
Ұлттық статистика бюросының мәліметінше, Астана есімі 17 ұлға, 7 қызға берілген.
Мұндай есімі бар қазақстандықтарды Ақтөбе, Алматы, Жамбыл, Қарағанды, Маңғыстау, Қызылорда, Түркістан және Жетісу облыстарында, сондай-ақ Астана, Алматы, Шымкент қалаларынан кездестіруге болады.
Сондай-ақ Астана атауын қамтитын өзге де есімдер бар. Бұлар – Астанабек, Астанадин, Астанай, Астанақұл, Астанали, Астанахан, Астанат, Ерастанахан, Нұрастана, Саммидастана, Элин Астана, Ару-Астана.