Шиелілік мергендер – дәстүрлі садақ атудан жеңімпаз
Қызылорда қаласында өткен «Алтын күз – 2025» облыстық спартакиадасы аясындағы «Ақ бидай» республикалық ауыл спорт ойындарына іріктеу жарысында Шиелі ауданының спортшылары жоғары нәтижелерге қол жеткізді, деп хабарлайды «Азаттық-Ньюс» Ақпараттық агенттігі.
Атап айтқанда, дәстүрлі садақ атудан аудан құрамасы жүлделі І орынды иеленіп, мергендік пен шеберліктің үлгісін көрсетті. Сонымен қатар, кикбоксингтен І орын, жекпе-жектен І орын, қазақ күресінен ІІ орын иеленіп, аудан абыройын асқақтатты.
Жеңімпаздарды құттықтаймыз! Алдағы додаларда да сәттілік серік болсын!