Шиелі спортшылары жүлдегер атанды
А18-22 тамыз аралығында Қызылорда қаласында өткен ауыл спортшылары арасындағы «Алтын күз – 2025» XXXVIII облыстық спартакиадасы аясында «Ақ бидай» республикалық VIII ауыл спорты ойындарына іріктеу жарысы ұйымдастырылды, деп хабарлайды «Азаттық-Ньюс» Ақпараттық агенттігі.
Шиелі ауданының спортшылары жарыс барысында белсенділік танытып, жоғары нәтижелерге қол жеткізді. Әсіресе, қазақ күресі бойынша аудан командасы жүлделі ІІ орынды иеленіп, аудан абыройын асқақтатты.
Бұл – спортшыларымыздың тыңғылықты дайындығы мен табанды еңбегінің жемісі.
Жеңімпаздарды шын жүректен құттықтай отырып, алдағы жарыстарда да толағай табыстар тілейміз!