Апта бойы жалғасатын тартысты додада жеті ауданнан келген 1000-ға жуық спортшы 18 спорт түрі бойынша бақ сынайды.

Ашылу рәсіміне облыс әкімінің орынбасары Мейрамбек Зинабдинұлы, облыстық дене шынықтыру, спорт және туризм басқармасының басшысы Бахтияр Ғарифоллаұлы, еңбек ардагері Нұрлыбай Ұлықпанұлы қатысып, қатысушыларға сәттілік тіледі.

– «Алтын күз» жарысы – ауыл жастарының шын мықтысын анықтайтын алаң. Бұл доданың 38 жылдық тарихында талай чемпион шықты.

 

Бұқаралық спорттың дамуына ерекше серпін берген байқау жастарды шыңдап, ел намысын қорғауға жетелейді, – деді облыс әкімінің орынбасары.

 

Шиелі ауданынан 190 спортшы қатысуда. Жерлестерімізге сәттілік тілейміз!