Шиелі ауданына облыс әкімінің гранттары бөлінді
2025-2026 оқу жылына өңірге қажетті мамандықтар бойынша Шиелі ауданына облыс әкімінің гранттары бөлінді, деп хабарлайды «Азаттық-Ньюс» Ақпараттық агенттігі.
Бұл гранттар мемлекеттік грантқа іліге алмаған, халықтың әлеуметтік осал топтарынан шыққан талапкерлерге арналған.
Үміткер бола алады:
• мүгедектігі бар балалар;
• жетім және ата-анасының қамқорлығынсыз қалған балалар;
• асыраушысынан айырылу бойынша жәрдемақы алатындар;
• толық емес және көпбалалы отбасылардан шыққан балалар;
• ата-анасының біреуі немесе екеуі де мүгедек, зейнеткер отбасынан шыққан балалар;
• табысы ең төменгі күнкөріс деңгейінен аспайтын отбасылардың балалары.
Құжат қабылдау:
5–15 тамыз 2025 жыл
Шиелі ауданының жұмыспен қамту және әлеуметтік бағдарламалар бөлімі, 2-кабинет
Сұрақтар бойынша: 4-43-13
Жас түлектерге сәттілік тілейміз!