Шиелі ауданында «Таза Қазақстан» акциясы аясында сенбілік ұйымдастырылды
Бүгін Шиелі ауданында «Таза Қазақстан» республикалық экологиялық акциясы аясында кең ауқымды сенбілік ұйымдастырылды, деп хабарлайды «Азаттық-Ньюс» Ақпараттық агенттігі.
Сенбілік барысында аудан әкімі Айтбай Насриддинұлы бірқатар нысандарды аралап, тазалыққа үлес қосқан тұрғындарға алғысын білдіріп, қоршаған ортаға жанашырлық танытудың маңызын атап өтті.
⠀
Сенбілік аясында аудан орталығындағы көшелер мен саябақтар, арық-атыздар тазартылып, арам шөптер шабылды. Жиналған тұрмыстық қалдықтар арнайы техникалармен шығарылып, тиісті орындарға жеткізілді.
⠀
Бұл тазалық жұмыстарына аудан орталығы ғана емес, барлық ауылдық округтердің тұрғындары да белсене қатысып, бірлік пен ұйымшылдықтың үлгісін көрсетті.