Қазақстанда қыздарды жаппай вакцинациялау басталды, деп хабарлайды “Азаттық-Ньюс” Ақпараттық агенттігі.

Қазақстанда жатыр мойны обырының негізгі қоздырғышы – адам папилломасы вирусына (АПВ) қарсы қыздарды жаппай вакциналау басталды.

Денсаулық сақтау министрлігінің баспасөз қызметі мәліметінше, 11 жасқа толған қыздар вакцина алуы керек. Сондай-ақ, 12 мен 13 жас аралығындағы қыздарды қоса алғанда, қайталама иммундау жүргізіледі. Тиісті қаулыға бір күн бұрын Қазақстанның бас санитария дәрігері қол қойды.

Жатыр мойны обыры Қазақстандағы барлық жастағы әйелдер арасында ең көп таралған екінші қатерлі ісік және 25 пен 44 жас аралығындағы әйелдер өлімінің екінші себебі болып табылады. Жыл сайын елде бұл аурудың 1900-ге жуық жаңа жағдайы тіркеледі. Ғылыми зерттеулер жатыр мойны обырының негізгі себебі АПВ инфекциясы екенін дәлелдеді.