Кәмелетке толмаған балаға жыныстық сипаттағы зорлық жасады деген күдікке ілінген азамат қамауға алынды, деп хабарлайды “Азаттық-Ньюс” Ақпараттық агенттігі.

Оқиға Жетісу облысының Ақсу ауданында болған. 

Әлеуметтік желіде тараған ақпаратқа сәйкес күдікке ілінген азамат – Amanat партиясының Жетісу облысы Ақсу аудандық филиалының бұрынғы төрағасы.

Партияның облыстық филиалы аталған дерекке байланысты пікір білдірді.

“Биыл тамыз айының басынан бастап Жетісу облысы бойынша партия филиалдарының жұмыс істеп жүрген қызметкерлерінің ешқайсысы қандай да бір қылмыстық іс бойынша жауапкершілікке тартылған жоқ. Ал Жетісу облысы “Аманат” партиясы Ақсу аудандық филиалының бұрынғы басшысы биылғы жылдың 1 тамызында өтініш негізінде жұмыстан шықты”, – деді партия облыстық филиалының баспасөз хатшысы Қымбат Сейдахмет.