Қызылордалық бағбан банан өсіруде
Қызылордалық тұрғын жылыжайға тропикалық өсімдіктер еккен, деп хабарлайды «Азаттық-Ньюс» Ақпараттық агенттігі.
Бағбан Ақерке Кеңесбайқызы осыдан үш жыл бұрын жылыжайға лимон көшетін отырғызған. Бүгінде бес айлық лимон өсуде. Айтуынша, лимон төрт айдан соң толық пісіп, жеуге жарамды болады екен. Ал, мұндағы банан ағаштары жақын арада бүршік жарып, гүлдегелі тұр.
«Мен енді алдағы уақытта манго, папайя, апельсин, мандарин секілді экзотикалық жемістерді өсіргім келеді. Зерттеуімше, олар күтімді көбірек қажет етеді екен. Алайда, мен барымды салып, тырысып көргім келеді», – деді АУЫЛ ШАРУАШЫЛЫҒЫ ҒЫЛЫМДАРЫНЫҢ МАГИСТРІ АҚЕРКЕ КЕҢЕСБАЙҚЫЗЫ.