Полиция департаменті қылмыстық із қозғалып, тергеу басталғанын мәлімдеді, деп хабарлайды “Азаттық-Ньюс” Ақпараттық агенттігі.

Қайғылы оқиға қалаға қарасты “Қызылжарма” ауылдық округінде болған. Куәгерлердің айтуынша демалыс күні көшеде доп қуалап ойнап жүрген 7 жасар баланы жүк көлігі таптап өткен. КАМАЗ-дың дөңгелегінің астында қалған бала жан тапсырған.

Полиция депаратменті қазір бұл іс бойынша тергеу жүргізіліп жатқанын хабарлады. Жүк көлігінің жүргізушісі ішімдік ішпеген деп отыр.

Айта кетейік, қызылжармалықтар ауылда балаларға арналған ойын алаңы тым аз шағымданады. Соның кесірінен жасөспірімдер көше бойында ойнауға мәжбүр болады екен. Сондықтан осындай қайғылы оқиғалар жиілеп кетпесе болар еді деп алаңдап отыр.