27 адам қаза тапқан: Үкімет басшысы пікір білдірді
Үкімет басшысы Олжас Бектенов мопед мініп жол апатын жасайтындарға қатысты алаңдаушылық білдірді, деп хабарлайды “Азаттық-Ньюс” Ақпараттық агенттігі.
Үкімет отырысында премьер-министр “Egemen Qazaqstan” газетінде бүгін мопедтер мәселесіне арналған мақаланың шыққанын айтты.
“Сол мақалада көрсетілгендей биылдың өзінде мопедтердің қатысуымен болған жол апаттарынан 27 адам қаза тапты. Сұмдық деректер! Осы мәселені қалай шешіп жатырмыз?” -деді Бектенов.
Ішкі істер министрі бұл мәселенің бар екенін растады. Оның сөзінше, қазіргі таңда мопедтерге көп жағдайда жасөспірімдер мінеді. Тиісті заңнамалық шаралар қолға алынды.
“Біріншіден, барлық мопедті тіркеу. Одан кейін мемлекеттік тіркеу нөмірі беріледі. Ал мопедтерді жүргізу үшін куәлік алу керек болады. Қазір заң жобасы сенатқа енгізілді”, – деп атап көрсетті Сәденов.